Foto: QR MAM
1 maýsym – Halyqaralyq balalardy qorǵaý kúni «Astana Opera» sahnasynda Raimondo Rebek sahnalaǵan «Kúlbike» ertigisi jańasha qoiyldy. Spektakl Halyqaralyq «Operaliia» mýzykalyq festivali baǵdarlamasyna endi, dep habarlaidy Ult.kz.
Balet neoklassikalyq stilde sahnalanyp, zamanaýi horeografiialyq sheshimdermen tolyqtyrylǵan. Kópke tanys oqiǵa kútpegen qyrynan ashylady. Basty keiipker ózin joǵary sán áleminde kiim dizaineri retinde tanytýdy armandaityn boijetken. Onyń shaǵyn sheberhanasy qoimada jasyrynǵan, biraq sol jerden ol qiial-ǵajaiyp saparǵa attanady. Hanzada da zamanaýi jigit. Munda ol – kompozitor ári didjei. Ony patsha taǵy da qyzyqtyrmaidy. Alaida onyń bundai ómir saltyn kópshilik túsinbeidi.
Oqiǵa órbigen saiyn keiipkerler ózgeredi, óz bolmysyn saqtap qalý úshin kúresedi. Sóitip olar birin-biri kezdestirip qana qoimai, ómirlik súiikti isin de tabady. Ertegini jańasha qoiylýy jas kórermenge bir taban jaqyndatyp, arman men senimge jeteleidi.
