فوتو: قر مام
1 ماۋسىم – حالىقارالىق بالالاردى قورعاۋ كٷنٸ «استانا وپەرا» ساحناسىندا رايموندو رەبەك ساحنالاعان «كٷلبيكە» ەرتٸگٸسٸ جاڭاشا قويىلدى. سپەكتاكل حالىقارالىق «وپەرالييا» مۋزىكالىق فەستيۆالٸ باعدارلاماسىنا ەندٸ, دەپ حابارلايدى Ult.kz.
بالەت نەوكلاسسيكالىق ستيلدە ساحنالانىپ, زاماناۋي حورەوگرافييالىق شەشٸمدەرمەن تولىقتىرىلعان. كٶپكە تانىس وقيعا كٷتپەگەن قىرىنان اشىلادى. باستى كەيٸپكەر ٶزٸن جوعارى سەن ەلەمٸندە كيٸم ديزاينەرٸ رەتٸندە تانىتۋدى ارماندايتىن بويجەتكەن. ونىڭ شاعىن شەبەرحاناسى قويمادا جاسىرىنعان, بٸراق سول جەردەن ول قييال-عاجايىپ ساپارعا اتتانادى. حانزادا دا زاماناۋي جٸگٸت. مۇندا ول – كومپوزيتور ەرٸ ديدجەي. ونى پاتشا تاعى دا قىزىقتىرمايدى. الايدا ونىڭ بۇنداي ٶمٸر سالتىن كٶپشٸلٸك تٷسٸنبەيدٸ.
وقيعا ٶربٸگەن سايىن كەيٸپكەرلەر ٶزگەرەدٸ, ٶز بولمىسىن ساقتاپ قالۋ ٷشٸن كٷرەسەدٸ. سٶيتٸپ ولار بٸرٸن-بٸرٸ كەزدەستٸرٸپ قانا قويماي, ٶمٸرلٸك سٷيٸكتٸ ٸسٸن دە تابادى. ەرتەگٸنٸ جاڭاشا قويىلۋى جاس كٶرەرمەنگە بٸر تابان جاقىنداتىپ, ارمان مەن سەنٸمگە جەتەلەيدٸ.
