«Astana-Nurly jol-Ridder» baǵytyndaǵy poiyz marshrýty ózgerdi, dep habarlaidy QR IIDM baspasóz qyzmeti.
Tasymaldaýshynyń atyna kelgen kóptegen ótinishter nazarǵa alynyp, Qazaqstan Respýblikasy Indýstriia jáne infraqurylymdyq damý ministrliginiń Kólik komitetimen jáne Shyǵys Qazaqstan oblysy ákimdigimen «Astana-Nurly Jol-Ridder» baǵytyndaǵy №375/376 jolaýshylar poiyzynyń júrý baǵytyn ózgertý jóninde jumystar júrgizildi.
Shyǵys Qazaqstan oblysynyń ákimdigi Semei-Lokot jáne Shemonaiha-Óskemen-1 ýchaskelerindegi jolaýshylardy avtokólikpen tasymaldaýdy qamtamasyz etý sharalaryn qabyldaidy jáne barlyq qajetti is-sharalar qamtamasyz etiledi.
Atalǵan poiyzdyń júrý baǵytyn ózgertý jolaýshylardyń jol júrý ýaqytyn 5 saǵatqa qysqartýǵa múmkindik beredi. Sondai-aq tekserýge bailanysty memlekettik shekaranyń ótkizý pýnktterinde uzaq ýaqyt aialdamaityn bolady. Jol júrý ýaqyty 23 saǵat 23 minýtty quraidy.
Jańa kestege sáikes poiyz Astana-Nurly jol stantsiiasynan saǵat 19:30-da júredi, Ridder stantsiiasyna saǵat 18:07-de jetedi. Ridder stantsiiasynan 21:55-te shyǵady jáne Astana-Nurly jol stantsiiasyna saǵat 20:43-te keledi.
