«Azamattarǵa arnalǵan úkimet» memlekettik korporatsiiasy Astana men Almaty qalalary halyqqa qyzmet kórsetý ortalyqtarynyń (HQKO) júktemelerin baqylaý múmkindigin júzege asyrdy, - dep habarlaidy "Ult aqparat".
Retteý zaly, qujattandyrý jáne bank kassalary qyzmetteriniń júkteme deńgeiin kórsetetin dinamikaǵa silteme memlekettik korporatsiianyń goscorp.kz resmi saitynyń basty paraǵynda ornalastyrylǵan.
«Azamattarǵa arnalǵan úkimet» memlekettik korporatsiiasy» kommertsiialyq emes» AQ memlekettik qyzmetter ádisnamasy jáne monitoringi departamentiniń direktory Gúljan Asanovanyń aitýynsha, atalǵan servis azamattarǵa qolaily bolý úshin qurylǵan jáne olardyń HQKO-ǵa barýyn aldyn ala josparlaýǵa múmkindik beredi. «Osy diagramma boiynsha adam meilinshe tez qyzmet alý úshin qai HQKO-ǵa barý kerektigine baǵa bere alady. Iaǵni, eger oǵan kóshi-qon salasy boiynsha qyzmet kerek bolmasa, ýaqytsha tirkeý qyzmeti boiynsha qyzmet alýshylar aǵyny kóp HQKO-ǵa barý qajet emes, ol kelýshiler sany az kez kelgen basqa ortalyqqa júgine alady» - dep qosty ol.
Sonymen qatar, Gúljan Asanova ázirge tek Astana jáne Almaty qalalaryndaǵy HQKO-larda júktemeni kórýge bolatynyn, jaqyn arada Qazaqstannyń basqa HQKO-laryna kelýshiler sanyn baqylaý múmkindigi qarastyrylatynyn atap ótti. Aqparat ár saǵat saiyn jańartylatyn bolady.
.jpeg)