Foto: egemen.kz
16 naýryzda Qazaqstannyń 13 oblysy men elordada jaýyn-shashyn, tuman, kóktaiǵaq bolady. Qazgidromet dabyldy eskertý jariialady.
Astanada kúndiz jańbyr, qar jaýady. Joldarda kóktaiǵaq bolady. Túnde jáne tańerteń tuman túsedi. Ońtústik-batystan, ońtústikten soǵatyn jeldiń ekpini kúndiz 15-18 m/s-qa jetedi.
Aqmola oblysynyń batysynda, soltústiginde jáne ońtústiginde jańbyr, qar jaýyp, kóktaiǵaq bolady. Oblystyń soltústiginde, shyǵysynda jáne ońtústiginde tuman túsedi. Jeldiń ekpini – 15-20 m/s. Kókshetaýda túnde jáne tańerteń jaýyn-shashyn, kóktaiǵaq bolady.
Aqtóbe oblysynyń soltústigi men shyǵysynda tuman túsip, kóktaiǵaq bolady.
Jambyl oblysynyń soltústiginde, ońtústiginde, oblystyń taýly aimaqtarynda tuman túsedi. Soltústik-shyǵystan jel soǵady, ekpini – 15-20 m/s. Tarazda keide tuman túsedi.
Qostanai oblysynda túnde oblystyń soltústigi men shyǵysynda jańbyr, qar jaýady. Oblystyń soltústiginde, batysynda jáne shyǵysynda kóktaiǵaq bolady, oblystyń soltústigi, batysy men ońtústiginde tuman túsedi. Qostanaida tańerteń jáne kúndiz kóktaiǵaq bolady. Túnde jáne tańerteń tuman túsedi.
Túnde Almaty oblysynyń ortalyǵynda, ońtústiginde, taýly aimaqtarynda jáne Qonaevta tuman túsedi.
Qaraǵandy oblysynyń batysy men soltústiginde tuman túsip, joldarda kóktaiǵaq bolady.
Ulytaý oblysynyń batysynda, soltústiginde jáne ortalyǵynda tuman túsip, joldarda kóktaiǵaq bolady. Jezqazǵanda tuman túsip, kóktaiǵaq bolady.
16-18 naýryzda Qyzylorda oblysynyń soltústigi men ortalyǵynda tuman túsedi.
Atyraý oblysynyń batysynda jáne ońtústiginde túnde jáne tańerteń tuman túsedi. Ońtústik, ońtústik-batystan soǵatyn jeldiń ekpini kúndiz oblystyń batysy men soltústiginde 15-20 m/s-qa jetedi.
Soltústik Qazaqstan oblysynda túnde jańbyr, qar jaýady dep boljanýda. Oblystyń batysynda, soltústiginde jáne ońtústiginde kóktaiǵaq, tuman túsedi. Oblystyń batysynda, soltústiginde jáne ońtústiginde ońtústik-batystan soǵatyn jeldiń ekpini 15-20 m/s-qa jetedi. Petropavlda jańbyr, qar jaýyp, túnde kóktaiǵaq bolady, keide tuman túsedi. Ońtústik-batystan soǵatyn jeldiń ekpini 15-20 m/s.
Shyǵys Qazaqstan oblysynyń soltústiginde túnde jáne tańerteń tuman túsedi. Óskemende túnde jáne tańerteń tuman túsedi.
Batys Qazaqstan oblysynyń soltústigi men shyǵysynda tuman túsedi. Ońtústik-batystan soǵatyn jeldiń ekpini kúndiz batysta, oblystyń ońtústiginde 15-20 m/s. Oralda tuman túsedi.
Jetisý oblysynyń taýly aimaqtarynda túnde tuman túsedi. Alakólde 15-20 m/s jyldamdyqpen jel soǵady, ekpini – 25 m/s.
