11-13 qarasha kúnderi Aqparat jáne qoǵamdyq damý ministrliginiń uiymdastyrýymen jáne «Qazmedia Ortalyǵynyń» qatysýymen «Astana Media Week» IV mediaaptalyǵy ótedi, dep habarlaidy "Ult aqparat".
Is-sharanyń negizgi maqsaty – otandyq mediasalany damytý men indýstriiadaǵy iskerlik qarym-qatynasty aimaqtyq jáne halyqaralyq deńgeide ilgeriletý.
Mediaaptalyq tórtinshi jyl qatarynan álemniń túpkir-túpkirinen jetekshi sarapshylardy dástúrli túrde jinap keledi jáne ózekti taqyryptar talqylanady. Osy jyly uiymdastyrýshylardyń nazary mediasalanyń aldaǵy ýaqyttaǵy jumys baǵytyn qurýǵa aýyp otyr.
Basty taqyryptar: mediakontentti tutynýdaǵy jahandyq trendter; pandemiia jáne BAQ-qa degen senimniń daǵdarysy; jańa jaǵdaidaǵy redaktsiialardyń jumysy; mýltiplatformalyq; mediakeńistiktiń jańa kóshbasshylary.
AMW qatysýǵa otandyq jáne sheteldik top-menedjerlerdiń ókilderi, jetekshi mediagenttikterdiń sarapshylary, iri halyqaralyq uiymdar men sheteldik joolardyń ǵalymdary, memlekettik sektor men prodakshn-kompaniialarynyń ókilderi shyqyrylǵan. Olardyń arasynda:
Robert Skinner – BUU jahandyq kommýnikatsiialar departamentiniń bas keńesshisi; Djavad Mottagi – Aziia-Tynyq muhity habar taratý odaǵynyń bas hatshysy (ABU); Mihail Zygar – jýrnalist, redaktor, jazýshy; Petr Fedorov – Búkilreseilik memlekettik televiziia jáne radio habarlaryn taratý kompaniiasy (BMTRK) halyqaralyq qatynastar direktsiiasynyń basshysy; Mihail Gýsman – Reseidiń TASS AA bas direktorynyń birinshi orynbasary; Shamil Sadykov - Tat-Media bas direktory; Irina Shihman – «A pogovorit?» iýtýb-arnasynyń avtory, suhbat júrgizýshi, jýrnalist; Álisher Elikbaev – PR-mamany men álemniń jáne Qazaqstannyń media qaýymdastyǵynyń ózge de sarapshylary bar.
Sonymen qatar Astana Media Week mediaptalyǵynyń qatysýshylary birqatar onlai–is-sharalarǵa qatysýǵa múmkindik alady.
Qazaqstandaǵy Amerika Qurama Shtattary elshiliginiń qoldaýymen jýrnalisterge arnalǵan vorkshoptardy Niý-Iork kinoakademiiasynyń professorlary: Bill Ainrainhofer – amerikalyq teleprodiýser, Amerika rejisserleri Gildiiasynyń múshesi, Emmi syilyǵynyń úsh dúrkin iegeri; Evgeniia Vlasova – jýrnalist, NYFA oqytýshysy júrigizetin bolady.
Óz sheberlikterimen Resei men Qazaqstannyń mediajattyqtyrýshylary: Andrei Dorojnyi – data-jýrnalist jáne derekterdi kórsetý jónindegi maman; Aleksandr Danilov – «Stop Fake» jobasynyń jetekshisi; Ainýr Koskina – jýrnalist, mediajattyqtyrýshy; Aidos Sarym – saiasattanýshy; Dáýirjan Aýǵambai – «Akyl-kenes» jýrnalynyń baspageri; Janna Ybyraeva – sheshendik óner boiynsha jattyqtyrýshy; Mahabbat Esen - jýrnalist, tele-radio júrgizýshisi bólisedi.
Jylsaiynǵa «Kontent-market» kórmesi media salasynyń qatysýshylary úshin alǵashqy ret onlai formatta ótkiziledi jáne «kórermenderge» medianaryqtaǵy otandyq jáne halyqaralyq prodakshn-kompaniialarynyń usynystarymen jyldam ári yńǵaily tanysýǵa; óndirýshilerge óz jobalaryn áleýetti satyp alýshylarǵa tanystyrýǵa múmkindik beredi.
AMW aiasynda baspa, radio, internet-jýrnalistika salalarynda jetken jetistikteri úshin alǵashqy ret «Úrker» ulttyq syilyǵy tabystalady. Jeńimpazdarǵa dástúrge sai statýetka men 1000 000 teńge kóleminde aqshalai syilyq beriledi. Syilyqtyń tabystalý barysyn saittaǵy onlain-kórsetilim arqyly tamashalaýǵa bolady.
Astana Media Week – bul qyzyǵýshylyq tanytqan barlyq qonaqtar qatysa alatyn ashyq is-shara. Is-sharanyń www.astanamediaweek.kz resmi saitynda forýmnyń tolyq baǵdarlamasymen tanysýǵa jáne qatysýshy retinde tirkelýge bolady. Qatysý – tegin.
