Foto: Polisia.kz
Astana mańyndaǵy balyq aýlaý beketinen qarasora ósiretin jasyryn zerthana tabyldy, – dep habarlaidy Polisia.kz.
Jedel-izdestirý is-sharalaryn ótkizý kezinde politsiia qyzmetkerleri jabaiy qarasora ósirýmen ainalysqan 49, 48 jáne 47 jastaǵy qalanyń úsh turǵynyn ustady. Jeke úide turatyn er adamdardyń birin tintý kezinde úidiń monshasynan 6 túp kendir men qumyralarda ósirgen 26 túp buta tabylǵan.
Sondai-aq ósimdikterge arnalǵan jeldetkishter, temperatýra shamdary, qurǵaq jáne suiyq tyńaitqyshtar tabylǵan. Tergeý barysynda bul jigitterdiń Kóktal kóliniń mańyndaǵy balyq aýlaý beketinde jumys istegeni anyqtaldy. Olar kendir butalary bar qumyralardy tasymaldap, fermadaǵy jerasty zerthanasynda ósirgen.
"Stantsiiany tintý barysynda qumyralarǵa salynǵan 55 túp kendir, esirtki zaty bar 9 dana polietilen bailamdary tabylyp, tárkilendi. Qazirgi ýaqytta ustalǵan er adamdar ýaqytsha ustaý izoliatoryna qamaldy.
Olarǵa qatysty QR QK-niń 296-babynyń 3-bóligi (Esirtki, psihotroptyq zattarmen, sol tektestermen ótkizý maqsatynsyz zańsyz jumys isteý) boiynsha aiyp taǵyldy" - delingen habarlamada.
Astana qalasynyń politsiia departamenti qala turǵyndaryn esirtkiniń zańsyz ainalymy derekteri týraly belgili bolǵan jaǵdaida Astana qalasy PD esirtki qylmysyna qarsy kúres basqarmasynyń anonimdi senim telefondaryna: 71 -63-93, 71-62-60 nemese táýlik boiy “102” arnasyna habarlasýdy eskertedi.
