فوتو: Polisia.kz
استانا ماڭىنداعى بالىق اۋلاۋ بەكەتٸنەن قاراسورا ٶسٸرەتٸن جاسىرىن زەرتحانا تابىلدى, – دەپ حابارلايدى Polisia.kz.
جەدەل-ٸزدەستٸرۋ ٸس-شارالارىن ٶتكٸزۋ كەزٸندە پوليتسييا قىزمەتكەرلەرٸ جابايى قاراسورا ٶسٸرۋمەن اينالىسقان 49, 48 جەنە 47 جاستاعى قالانىڭ ٷش تۇرعىنىن ۇستادى. جەكە ٷيدە تۇراتىن ەر ادامداردىڭ بٸرٸن تٸنتۋ كەزٸندە ٷيدٸڭ مونشاسىنان 6 تٷپ كەندٸر مەن قۇمىرالاردا ٶسٸرگەن 26 تٷپ بۇتا تابىلعان.
سونداي-اق ٶسٸمدٸكتەرگە ارنالعان جەلدەتكٸشتەر, تەمپەراتۋرا شامدارى, قۇرعاق جەنە سۇيىق تىڭايتقىشتار تابىلعان. تەرگەۋ بارىسىندا بۇل جٸگٸتتەردٸڭ كٶكتال كٶلٸنٸڭ ماڭىنداعى بالىق اۋلاۋ بەكەتٸندە جۇمىس ٸستەگەنٸ انىقتالدى. ولار كەندٸر بۇتالارى بار قۇمىرالاردى تاسىمالداپ, فەرماداعى جەراستى زەرتحاناسىندا ٶسٸرگەن.
"ستانتسييانى تٸنتۋ بارىسىندا قۇمىرالارعا سالىنعان 55 تٷپ كەندٸر, ەسٸرتكٸ زاتى بار 9 دانا پوليەتيلەن بايلامدارى تابىلىپ, تەركٸلەندٸ. قازٸرگٸ ۋاقىتتا ۇستالعان ەر ادامدار ۋاقىتشا ۇستاۋ يزولياتورىنا قامالدى.
ولارعا قاتىستى قر قك-نٸڭ 296-بابىنىڭ 3-بٶلٸگٸ (ەسٸرتكٸ, پسيحوتروپتىق زاتتارمەن, سول تەكتەستەرمەن ٶتكٸزۋ ماقساتىنسىز زاڭسىز جۇمىس ٸستەۋ) بويىنشا ايىپ تاعىلدى" - دەلٸنگەن حابارلامادا.
استانا قالاسىنىڭ پوليتسييا دەپارتامەنتٸ قالا تۇرعىندارىن ەسٸرتكٸنٸڭ زاڭسىز اينالىمى دەرەكتەرٸ تۋرالى بەلگٸلٸ بولعان جاعدايدا استانا قالاسى پد ەسٸرتكٸ قىلمىسىنا قارسى كٷرەس باسقارماسىنىڭ انونيمدٸ سەنٸم تەلەفوندارىنا: 71 -63-93, 71-62-60 نەمەسە تەۋلٸك بويى “102” ارناسىنا حابارلاسۋدى ەسكەرتەدٸ.
