Astana LRT qurylysyn jandandyrý úshin bankterden investitsiia tartý jumystary bastaldy. Bul týraly búgin qala turǵyndarymen esep berý kezdesýinde elorda ákimi Altai Kólginov aitty, dep habarlaidy "Ult aqparat".
«LRT qalalyqtardyń barlyǵyn tolǵandyryp otyr. Pandemiia kezeńinde onyń qurylysyn jalǵastyrý máselesi toqtap qalǵan edi. Óitkeni, Qazaqstannyń ekinshi deńgeili bankterinen ǵana emes, sonymen birge halyqaralyq bankterden de syrtqy zaim tartý qajet boldy. Qazirgi ýaqytta bul jumys qaita jandandy. Bankterden qarajat tartý qajet», - dedi Altai Kólginov.
Qala basshysy osy ýaqytqa deiin salynǵan LRT nysandary qala kórkin buzyp turǵandyǵyn da jasyrmady.
«Onyń ústine oǵan qomaqty qarajat jumsalyp ketti. Sondyqtan bul jumysty jalǵastyratyn bolamyz. Qazirgi ýaqytta bankterden investitsiia tartý baǵytyndaǵy jumys júrgizilip jatyr», - dedi elorda ákimi.
