Elordadaǵy qoǵamdyq kólikterge jaýapty «Astana LRT» kompaniiasy qar tazalaýshy kásiporyndarǵa birneshe usynys jasap otyr, dep habarlaidy "Ult aqparat".
«Óz tarapymyzdan mynadai usynystarymyz bar: qar jinaý jumystary birinshi kezekte kólik kóp júretin ýchaskelerde júrgizilgeni abzal. Sonymen birge, aialdamanyń avtobýs kelip toqtaityn aýmaǵyn qardan tazartýdy ótinemiz. Degenmen, tańǵy saǵat 08.00-09.00 aralyǵynda qar tazalaý jumystaryn joldyń shetkeri nemese júktemesi az ýchaskelerinde júrgizseńizder durys bolar edi. Iaǵni tańerteńgi ýaqytta kólik kóp júretin ýchaskelerde qar tazalamaýdy ótinemiz», - delingen «Astana LRT» kompaniiasynyń habarlamasynda.
Kompaniianyń habarlaýynsha, qar jaýǵanyna bailanysty qala kóshelerinde týyndaityn keptelister qoǵamdyq kóliktiń kestege sai ýaqtyly júrýine kedergi keltiredi.
