ەلورداداعى قوعامدىق كٶلٸكتەرگە جاۋاپتى «Astana LRT» كومپانيياسى قار تازالاۋشى كەسٸپورىندارعا بٸرنەشە ۇسىنىس جاساپ وتىر, دەپ حابارلايدى "ۇلت اقپارات".
«ٶز تاراپىمىزدان مىناداي ۇسىنىستارىمىز بار: قار جيناۋ جۇمىستارى بٸرٸنشٸ كەزەكتە كٶلٸك كٶپ جٷرەتٸن ۋچاسكەلەردە جٷرگٸزٸلگەنٸ ابزال. سونىمەن بٸرگە, ايالدامانىڭ اۆتوبۋس كەلٸپ توقتايتىن اۋماعىن قاردان تازارتۋدى ٶتٸنەمٸز. دەگەنمەن, تاڭعى ساعات 08.00-09.00 ارالىعىندا قار تازالاۋ جۇمىستارىن جولدىڭ شەتكەرٸ نەمەسە جٷكتەمەسٸ از ۋچاسكەلەرٸندە جٷرگٸزسەڭٸزدەر دۇرىس بولار ەدٸ. ياعني تاڭەرتەڭگٸ ۋاقىتتا كٶلٸك كٶپ جٷرەتٸن ۋچاسكەلەردە قار تازالاماۋدى ٶتٸنەمٸز», - دەلٸنگەن «Astana LRT» كومپانيياسىنىڭ حابارلاماسىندا.
كومپانييانىڭ حابارلاۋىنشا, قار جاۋعانىنا بايلانىستى قالا كٶشەلەرٸندە تۋىندايتىن كەپتەلٸستەر قوعامدىق كٶلٸكتٸڭ كەستەگە ساي ۋاقتىلى جٷرۋٸنە كەدەرگٸ كەلتٸرەدٸ.
