«Astana LRT» isi boiynsha birqatar jalǵan kásiporyn tergelip jatyr. Bul týraly elordadaǵy brifingte QR Sybailas jemqorlyqqa qarsy is-qimyl agenttigi ekinshi departamentiniń basshysy Sergei Perov aitty, dep habarlaidy QazAqparat.
«Tergeýde bári anyqtalatyn bolady. Jalǵan kásiporyndarmen LRT merdigerlik uiymdary bailanysty bolǵan. Tergeýge bailanysty olardyń qansha bolǵanyn naqty aita almaimyz. Ýaqyty kelgende sizderge barlyǵyn habarlaityn bolamyz», - dedi Sergei Perov jýrnalisterdiń suraqtaryna jaýap berip.
Ol jalǵan kásiporyndar arqyly jobaǵa bólingen qarajattyń jymqyrylǵanyn aityp ótti.
Sondai-aq, Perov kompaniianyń qashyp júrgen burynǵy basshysyna qatysty pikir bildirdi.
«Ony halyqaralyq jeli, memleketaralyq izdeý jelisi boiynsha izdep jatyrmyz. Tergeý jymqyrý faktisi boiynsha bastalǵan. Kúdikti izdeýde», - dedi Sergei Perov.
Eske salsaq, Prezident LRT qurylysyn jedeldetýdi jáne oǵan qatysty isti tergeýdi tapsyrdy.
Buǵan deiin LRT-nyń qurylysy ýaqytsha toqtatylǵany týraly habarlaǵan bolatynbyz.
