Tergeý toby «Astana LRT» isi boiynsha kúdikti retindegi laýazymdy adamdardy anyqtady. Bul týraly brifingte QR Sybailas jemqorlyqqa qarsy is-qimyl agenttigi ekinshi departamentiniń basshysy Sergei Perov aitty, dep habarlaidy QazAqparat.
«Tergeý «Astana LRT» isi boiynsha kúdikti retindegi laýazymdy adamdardy anyqtady. Olar elorda ákimdiginiń, «Astana LRT» JShS-nyń, merdigerlik uiym basshylary men jobanyń júzege asýyna qatysty adamdar», - dedi Sergei Perov.
Onyń aitýynsha, qazirgi ýaqytta istiń mán-jaiyn tezirek anyqtap, kinálilerdi jaýapkershilikke tartý jumystary júrgizilip jatyr.
«Biz ákimdik pen JShS qyzmetkerlerin tekserip jatyrmyz. Naqty sheńberdi aiqyndap, aityp bere almaimyn. Biraq barlyq adamdar anyqtalý ústinde. Onyń ishinde ákimdiktiń basshylyq quramy da bar. 10-nan astam adam tekserilýde. Qazir tergeý amaldary júrgizilip jatyr. Biz Astana LRT qyzmetine qatysty qujattarǵa qoldyń qoiylýymen bailanysty adamdardyń ainalasyn anyqtadyq. Ár adamnyń jaýapkershilik deńgeiin anyqtaimyz», - dep tolyqtyrdy Sergei Perov.
Eske salsaq, Prezident LRT qurylysyn jedeldetýdi jáne oǵan qatysty isti tergeýdi tapsyrdy.
Buǵan deiin LRT-nyń qurylysy ýaqytsha toqtatylǵany týraly habarlaǵan bolatynbyz.
