Nur-Sultan ákimi Altai Kólginov Astana kúni nege otshashý bolmady degen suraqqa jaýap berdi, - dep habarlaidy Tengrinews.kz.
Onyń aitýynsha, otshashý bolmaýynyń sebebi - aýa raiy.
"Biz otshashýdy josparladyq, biraq aýa raiy boljamynda qatty jel men jańbyr jaýatyny aitylǵan. Sondyqtan táýekelge barmadyq. Qala kúninde kózimiz jetti, keshke jańbyr jaýa bastady, bul otshashý talabyna sai emes", - dedi Altai Kólginov OQK brifinginde.
Kólginovtiń aitýynsha, 2022 jyly Astana kúnin merekeleýge bólinetin shyǵyn bes esege qysqarǵan, bul - shamamen 200 million teńge.
"Jyl saiyn toilaý tásili ózgeredi, 2019 jylmen salystyrǵanda osy jyly 5 ese az aqsha jumsadyq. Mysaly, 100-den asa is-shara uiymdastyrdyq, sharalarǵa 20 myńnan asa qala turǵyny qatysty. Buǵan jalpy shamamen 200 million teńge biýdjet qurtyldy, bul - bes ese az. Eki-úsh aqyly, qalǵany tegin kontsert boldy. Qala turǵyndary mereke atmosferasyn sezgenin qaladyq", - dedi Nur-Sultan ákimi.
