Foto: instagram.com/nqz_airport
Bahreindik top-menedjer Iýsýf Aldjavder Astana áýejaiynyń basqarma tóraǵasy bolyp taǵaiyndaldy, dep habarlaidy «Ult aqparat».
Azamattyq aviatsiia komiteti jańa basshyǵa qatysty málimdeme jasady.
"Nursultan Nazarbaev halyqaralyq áýejaiy" AQ Basqarma tóraǵasy bolyp QR Úkimetiniń apparatymen kelisim boiynsha Iýsýf Rashed Mohammed Aldjavder taǵaiyndaldy. Erǵazy Joldasov buryn atqarǵan qyzmetinen bosatyldy”, – delingen habarlamada.
“Vremia” basylymynyń málimetinshe Iýsýf Aldjavder – Bahrein azamaty.
“Iýsýf Aldjavderdiń aviatsiia salasynda 25 jyldan astam tájiribesi bar. Ártúrli laýazymdarda, sonyń ishinde Emirates, British Airways, Dýbai jáne Abý-Dabi halyqaralyq áýejailarynda joǵary qyzmette jumys istedi”, – dep málimdedi elorda áýejaiynyń baspasóz qyzmeti.
2023 jyldyń qarashasynda Astana áýejaiy Terminals Holding (BAÁ) senimdi basqarýyna berilgen edi.
“2024 jyly 1 mamyrdan bastap Investor jeke investitsiialar esebinen 20 jyldan astam ýaqyt boiy jańartylmaǵan ushý-qoný jolaǵyn kúrdeli jóndeýge kirisýdi josparlap otyr”, – delingen habarlamada.
Elimizdiń taǵy bir óńirinde halyqaralyq áýejai salyný josparlanyp otyr.
