Foto: © Sputnik / Abzal Kaliev
"Astana" halyqaralyq qarjy ortalyǵynyń basqarýshysy Renat Bekturov óz jalaqysyn jariialady, dep habarlaidy Sputnik Qazaqstan.
Búgin tilshiler Bekturovtan ortalyq qyzmetkerleriniń ortasha jalaqysy týraly surady. Onyń aitýynsha, jalaqynyń kólemi árbir adamnyń eńbek ótili men tájiribesine qarai tólenedi.
"Jas mamandarǵa tájiribesine qarai 300 myńnan 500 myń teńgege deiin tóleimiz, orta býyn – 600 myń, al basshylar 700-800 myńnan joǵary alady. Maǵan birinshi basshy retinde 700-800 myńnan joǵary tóleidi", - dedi Bekturov Senat otyrysynan keiin.
Qarjy ortalyǵynyń basqarýshysy óz jalaqysyn investitsiia retinde eshqaida salmaitynyn da aitty. Sebebi ýaqyt joq.
"Biz artylǵan aqshany jinaýǵa tyrysamyz, biraq meniń bes balam bar. Sondyqtan artyq aqsha qalmaidy. Basqalar siiaqty ipoteka tóleimiz, balabaqsha men mektep bar", - dep atap kórsetti Bekturov.
