«Astana Hub» IT-startaptar halyqaralyq tehnoparkiniń PR, marketing jáne iventter keńsesiniń direktory Marat Sháken Startaptardy qarjyladyrýǵa baǵyttalǵan «Astana Hub» Seed money baǵdarlamasynyń iske qosylýy týraly túsindirdi, dep habarlaidy "Ult aqparat".
«Seed Money baǵdarlamasyna toqtalsaq, startaptardy úsh kezeńde qarjylyndyrý eskerilgen. Birinshiden, MVP-kezeńinde startapta bastapqy ónim, naqtylanǵan ideia bolǵanda qamtylady. Osy oraida 5 mln teńgege deiin qarjylandyrý jasaimyz. Al product/market fit ekinshi kezeńinde startaptyń naqtylanǵan biznes-modeli, investitsiialary men klientteri nazarǵa alynady. Bul turǵyda 10 mln teńgege deiin qarjylandyrý júrgize alamyz», - dedi Marat Sháken Ortalyq kommýnikatsiialar qyzmetinde.
Onyń aitýynsha, scale – úshinshi kezeńinde 20 mln teńge deiin beriledi.
«Arnaiy rásimder bar jáne ony oryndaý mańyzdy. Osy oraida startaptar bul qarajatty maqsatsyz jumsai almaidy. Sebebi onyń barlyǵy baqylaýda bolady», - dedi keńse direktory.
Belgili bolǵandai, startaptardy qarjylanjyrýǵa biýdjet qarjysy jumsalmaidy. Qarjylandyrý Astana Hub jeke qarajaty esebinen bolady. Ótinimderdi qabyldaý talaptary men merzimi jóninde https://astanahub.com saitynda tanysýǵa bolady.
