«Astana Hub» IT-ستارتاپتار حالىقارالىق تەحنوپاركٸنٸڭ PR, ماركەتينگ جەنە يۆەنتتەر كەڭسەسٸنٸڭ ديرەكتورى مارات شەكەن ستارتاپتاردى قارجىلادىرۋعا باعىتتالعان «Astana Hub» Seed money باعدارلاماسىنىڭ ٸسكە قوسىلۋى تۋرالى تٷسٸندٸردٸ, دەپ حابارلايدى "ۇلت اقپارات".
«Seed Money باعدارلاماسىنا توقتالساق, ستارتاپتاردى ٷش كەزەڭدە قارجىلىندىرۋ ەسكەرٸلگەن. بٸرٸنشٸدەن, MVP-كەزەڭٸندە ستارتاپتا باستاپقى ٶنٸم, ناقتىلانعان يدەيا بولعاندا قامتىلادى. وسى ورايدا 5 ملن تەڭگەگە دەيٸن قارجىلاندىرۋ جاسايمىز. ال product/market fit ەكٸنشٸ كەزەڭٸندە ستارتاپتىڭ ناقتىلانعان بيزنەس-مودەلٸ, ينۆەستيتسييالارى مەن كليەنتتەرٸ نازارعا الىنادى. بۇل تۇرعىدا 10 ملن تەڭگەگە دەيٸن قارجىلاندىرۋ جٷرگٸزە الامىز», - دەدٸ مارات شەكەن ورتالىق كوممۋنيكاتسييالار قىزمەتٸندە.
ونىڭ ايتۋىنشا, scale – ٷشٸنشٸ كەزەڭٸندە 20 ملن تەڭگە دەيٸن بەرٸلەدٸ.
«ارنايى رەسٸمدەر بار جەنە ونى ورىنداۋ ماڭىزدى. وسى ورايدا ستارتاپتار بۇل قاراجاتتى ماقساتسىز جۇمساي المايدى. سەبەبٸ ونىڭ بارلىعى باقىلاۋدا بولادى», - دەدٸ كەڭسە ديرەكتورى.
بەلگٸلٸ بولعانداي, ستارتاپتاردى قارجىلانجىرۋعا بيۋدجەت قارجىسى جۇمسالمايدى. قارجىلاندىرۋ Astana Hub جەكە قاراجاتى ەسەبٸنەن بولادى. ٶتٸنٸمدەردٸ قابىلداۋ تالاپتارى مەن مەرزٸمٸ جٶنٸندە https://astanahub.com سايتىندا تانىسۋعا بولادى.
