Keshe keshki ýaqytta, 30 qańtarda áleýmettik jeli qoldanýshylary Astanadaǵy "Sálem" bazarynda alapat órt shyqqanyn habarlady. Oqiǵanyń videosy men sýretteri Facebook jelisindegi "Astana, hochý pohvalit/pojalovatsia" tobynda jariialandy, dep habarlaidy "Ult aqparat" kaz.tengrinews.kz portalyna silteme jasap.
QR IIM Tótenshe jaǵdailar komitetiniń resmi ókili Rýslan Imanqulov osy málimetti rastady.
"2018 jyly 30 qańtarda keshki 22:00 shamasynda "Avangard" JShS aýmaǵyndaǵy konteinerler órtendi. Onda avtokólik mailary men bólshekteri saqtalǵan. 28 órt sóndirýshi 22:49-da órtti aýyzdyqtaldy. Órt aýmaǵy - 120 sharshy metr. Qaza tapqandar men zardap shekkender joq. Órtti sóndirý úshin arnaiy 7 tehnika jumyldyryldy. 23:40-ta órt tolyǵymen sóndirildi", - dedi Imanqulov.
