Jankúierlerge «Astana» Prezidenttik basketbol klýbynyń jańa quramy tanystyryldy, dep habarlaidy QazAqparat tilshisi.
«Astana» Prezidenttik basketbol klýby úshin jańa maýsym bastalǵaly tur. Klýb Nur-Sultannyń vizit kartochkasy ári sportymyzdyń maqtanyshy deýge bolady. Sondyqtan jańa oiynshylardy qýana qarsy ala otyryp, olarǵa úlken úmit artamyn», - deidi klýbtyń bas direktory Asqar Batalov.
Komandanyń jańa quramyna VTB biryńǵai ligasynyń ótken maýsymdaǵy úzdik bapkeri Emil Raikovich basshylyq etedi. Komanda maýsymǵa daiyndalý úshin Litvadaǵy oqý-jattyǵý jiynyn ótkizdi.
«Astana» basketbol klýby ótken maýsymda eń joǵary nátijege qol jetkizdi. Komandanyń jyldan-jylǵa jetilip kele jatqanyn kórip otyrmyz. Qazaqstannyń barlyq óńirinde basketbol aitarlyqtai damyǵanyn aitqym keledi. El ishinde chempionattar ótkiziledi. «Astana» el ishindegi týrnirlerdiń rekordsmeni sanalady», - deidi QR Mádeniet jáne sport ministrligi Sport jáne dene shynyqtyrý komitetiniń tóraǵasy Serik Sápiev.
