1 cáýir kúni Búkilálemdik boks seriiasy aiasynda (WSB) «Astana arlandary» men «Uzbek Tigers» arasynda ótetin jekpe-jek aldynda baspasóz konferentsiiasy ótti.
Astana arlandary osy maýsymda qatarynan tórt kezdesýde de jeńip, ózderin plei-off kezeńimen qamtamasyz etken bolatyn. Soǵan qaramai qurama bapkeri A. Nurlan negizgi qurammen kelgendigin aitty. Sondai-aq, «Eger biz erteńgi bolatyn kezdesýde jeńip jatsaq, kelesi, qytailyqtarmen kezdesýge ekinshi tizimdi quramamen shyǵýymyz múmkin», - dedi.
«Ózbek jolbarystarynyń» bul kezdesýdi jeńispen aiaqtaýdy maqsat etkeni kúmánsiz. Oǵan myna tizimdegi quram dálel bolatyn sekildi.
Jekpe-jekke qatysatyn boksshylar tizimi:
46 - 49 kelide: Rio-2016 olimpiada chempiony Hasanboi Dýsmatov vs Temirtas Júsipov
56 kelide: Abdýlhai Shorahmatov vs Ilias Súleimenov
64 kelide: qandasymyz Elnur Abdýraimov vs Dilmurat Mijitov
75 kelide: Isroil Madraimov vs Saparbai Aidarov
91 kelide: Zýhriddin Mahkamov vs Anton Pinchýk
Erteńgi bolatyn kezdesýge «Ózbek jolbarystary» sardary Hasanboi Dýsmatov óz pikirin bildirdi: «Bul kezdesý bizder úshin óte mańyzdy, árine, ringke jeńiske jetý úshin shyǵamyz. qarsylasymdy jaqsy bilemin. Olda meni jete tanidy. Bul - ekeýmizdiń osymen tórtinshi kezdesýimiz».
Esterińizge sala ketsek, «Astana arlandary» alǵashqy kezdesýde «Ózbek jolbarystaryn» 4:1 esebimen jeńgen-tin. Kezdesý erteń, iaǵni, sáýirdiń biri kúni Astana ýaqytymen 20:00-de Tashkentte ótedi.
Nurǵisa KAMALBEK,
Tashkent qalasy
