Elordada balkony qisaiǵan turǵyn úi resmi túrde paidalanýǵa berilmegen jáne oǵan turǵyndardy zańsyz ornalastyrǵan. Bul týraly elordalyq qalalyq orta sapasy jáne baqylaý basqarmasy basshysynyń orynbasary Dáýlet Dosqulov aityp berdi, dep habarlaidy "Ult aqparat".
«Orbita» turǵyn úi kesheni problemalyq nysan sanalady, ony «Tamyz invest grýpp» AQ turǵyzǵan. Bul uiymnyń basshylary QR IIM júrgizgen qylmystyq is boiynsha 11 jylǵa bas bostandyǵynan aiyrylǵan», - dedi D. Dosqulov qalalyq ákimdikte bergen suhbatynda.
Onyń aitýynsha, úi paidalanýǵa berilmese de, úi salýshylar 6 jyl buryn turǵyndardy zańsyz ornalastyrǵan.
«Ákimdiktiń úleskerler máselesin sheshý boiynsha sharalar jospary bar. Onyń aiasynda úidiń konstrýktsiiasyny nyǵaitý, qasbetin aýystyrý jáne resmi túrde paidalanýǵa berý kózdelgen», - dedi Dáýlet Dosqulov.
Eske sala ketsek, «Orbita» turǵyn úi kesheni páterlerdiń birinde balkon ornynan «jyljyp» ketip, eden dirildegen. Qalalyq ákimdiktiń habarlaýynsha, olar problemaly turǵyn úi týraly biledi. Qazirgi ýaqytta ol jaqta tehnikalyq tekserý júrgizilip jatyr, odan keiin úidiń apattyq deńgeii anyqtalady.
