Qazaqstanda tozyǵy jetken kólikterdi joiý (ýtilizatsiia) baǵdarlamasy kúshine engen 2016 jyldyń 21 qarashasynan bastap 14 myńnan astam eski kólik ótkizildi. Elimizdiń avtobiznes assotsiatsiiasynyń málimeti boiynsha, turǵyndar 25 sáýirge deiin ýtilizatsiiaǵa 14 myń 322 eski kólik ótkizgen. Ýtilizatsiiaǵa ótkizilgen kólikterdiń deni - "Lada", "Moskvich", "Volga" siiaqty reseilik kólikter.
Tozǵan kólikter eń kóp tapsyrylǵan qalalar - Shymkent (1897 kólik), Taldyqorǵan (1163 kólik), Almaty (989 kólik) bolǵan. Ýtilizatsiiaǵa tapsyrylǵan kólikterdiń basym bóligi 25-30 jyl júrilgen.
Qazaqstanda eski kólikterdi qabyldaý jumysyn atqaratyn óndirýshilerdiń keńeitilgen mindettemeleri operatorynyń ("Operator ROP") málimetinshe, júrip turǵan kólikke 150 myń teńge, keibir qosalqy bólshekteri joq kólikke 48 myń teńge shamasynda ótemaqy berilmek. Alaida keibir eski kólik ieleri ótemaqy mólsherine kóńili tolmaitynyn aitady.
