قازاقستاندا توزىعى جەتكەن كٶلٸكتەردٸ جويۋ (ۋتيليزاتسييا) باعدارلاماسى كٷشٸنە ەنگەن 2016 جىلدىڭ 21 قاراشاسىنان باستاپ 14 مىڭنان استام ەسكٸ كٶلٸك ٶتكٸزٸلدٸ. ەلٸمٸزدٸڭ اۆتوبيزنەس اسسوتسياتسيياسىنىڭ مەلٸمەتٸ بويىنشا, تۇرعىندار 25 سەۋٸرگە دەيٸن ۋتيليزاتسيياعا 14 مىڭ 322 ەسكٸ كٶلٸك ٶتكٸزگەن. ۋتيليزاتسيياعا ٶتكٸزٸلگەن كٶلٸكتەردٸڭ دەنٸ - "لادا", "موسكۆيچ", "ۆولگا" سيياقتى رەسەيلٸك كٶلٸكتەر.
توزعان كٶلٸكتەر ەڭ كٶپ تاپسىرىلعان قالالار - شىمكەنت (1897 كٶلٸك), تالدىقورعان (1163 كٶلٸك), الماتى (989 كٶلٸك) بولعان. ۋتيليزاتسيياعا تاپسىرىلعان كٶلٸكتەردٸڭ باسىم بٶلٸگٸ 25-30 جىل جٷرٸلگەن.
قازاقستاندا ەسكٸ كٶلٸكتەردٸ قابىلداۋ جۇمىسىن اتقاراتىن ٶندٸرۋشٸلەردٸڭ كەڭەيتٸلگەن مٸندەتتەمەلەرٸ وپەراتورىنىڭ ("وپەراتور روپ") مەلٸمەتٸنشە, جٷرٸپ تۇرعان كٶلٸككە 150 مىڭ تەڭگە, كەيبٸر قوسالقى بٶلشەكتەرٸ جوق كٶلٸككە 48 مىڭ تەڭگە شاماسىندا ٶتەماقى بەرٸلمەك. الايدا كەيبٸر ەسكٸ كٶلٸك يەلەرٸ ٶتەماقى مٶلشەرٸنە كٶڭٸلٸ تولمايتىنىن ايتادى.
