Qazaqstan halqy Assambleiasy barsha qazaqstandyqtardy Qazaqstan halqynyń birligi kúnimen quttyqtady, dep habarlaidy "Ult aqparat" assambleianyń baspasóz qyzmetine silteme jasap.
Assambleianyń jazýynsha, bul mereke elimizdiń barlyq azamattaryn biriktiretin orasan zor áleýet - dostyq pen ózara túsinistiktiń jarqyn merekesine ainalyp otyr.
«Tatýlyq pen kelisim qundylyqtary Tuńǵysh Prezident - Elbasy Nursultan Nazarbaev saiasatynyń árdaiym asa mańyzdy basymdyqtary boldy. Sonyń arqasynda qoǵamymyzdyń kóp etnosty bolýy, mádenietter men tilderdiń alýan túrliligi bizdiń artyqshylyǵymyz ben jetistigimizge, Qazaqstan damýynyń berik negizine ainaldy. Aitýly merekeni birliktiń, óz Otanymyzdyń bolashaǵy úshin ortaq jaýapkershiliktiń erekshe atmosferasynda atap ótýdemiz. Qazaqstan halqy Assambleiasynyń XXVII sessiiasy qazaqstandyqtardyń tabysty da qarqynmen damityn Qazaqstandy qurý úshin belgilengen barlyq josparlardy iske asyrýǵa birge umtylatynyn taǵy da kórsetip berdi» delingen quttyqtaýda.
Qazaqstan halqy Assambleiasy bárimizdiń ortaq mindetimiz - Táýelsiz Qazaqstannyń eń basty jáne aiqyn jetistikteriniń biri - qoǵamdyq kelisim men jalpyulttyq birlikti saqtaý ekenin aitady.
«Bizdiń yntymaqtastyǵymyz odan ári bekip, nyǵaia bersin, al júrekterimizdi ortaq jeńisterimiz úshin maqtanysh kernesin. Uly Dalanyń ár úiine baqyt pen bereke, tatýlyq pen tabys tileimiz» dep jazady assambleialyqtar.
.jpeg)