Jankúierler tańǵaldyrýdan jalyǵar emes. Qytaidyń «Singer» baiqaýynda juldyzy janǵan otandasymyz, qazaq eliniń maqtanyshy, talantty ánshi Dimash Qudaibergenovtiń qytailyq jankúierleri, (Dears) dálirek aitqanda, Dimash Sisters onyń týǵan kúnine juldyz syilady.
Dimash endi tek jerdegi juldyz emes, sonymen birge aspandaǵy juldyzǵa ainaldy.
Keshe ǵana qytailyq jankúierler qazaq jankúierlerine ókpe-nazyn bildirdi. Olar Dimashtyń elge oralǵanyna bir apta ótse de, ánshi týraly jan-jaqty jańalyqtar shyqpady, qazaqstandyq jankúierler belsendilik tanytpady, Dimashtyń qaida, ne istep júrgenin bilmei habarsyz qaldyq dep renjýli.
Esterińizge sala keteiik, Dimash Qudaibergen Qytaidan úlken jeńispen elge oralǵan edi. Ánshini Qazaqstan Respýblikasynyń prezidenti Nursultan Ábishuly arnaiy qabyldap, batasyn berdi. Mamyr aiynda ánshi Frantsiiada ótetin Kann festivalinde qurmetti qonaq retinde án shyrqaidy. Sonymen birge ánshiniń "I am singer" baiqaýynda oryndaǵan ánderin qytailyq pianist Djeremi Vong fortepianoda oryndady.
