«Team Qazaqstan» Respýblikalyq jastar qoǵamdyq birlestiginiń tóraǵasy, telejýrnalist Ashat Sadyrbai Memleket basshysynyń búgin joldaǵan úndeýine qatysty óz oiyn aitty, dep habarlaidy QazAqparat.
«Qazaqstan Respýblikasynyń Prezidenti Qasym-Jomart Toqaev búgin Parlament jáne máslihat depýttattaryn sailaý jónindegi jarlyqqa qol qoidy. Bul – elimizdegi qoǵamdyq jáne saiasi protsesterdiń boljamdyq deńgeiin arttyratyny sózsiz. Sonymen qatar, ózim quramyna enetin Ulttyq keńestiń aiasynda Prezident usynǵan osy saiasi reformalarynyń birinshi paketi óziniń nátijesin berý kerek dep oilaimyn. Odan keiin osy is-sharalar aiasynda máslihattardyń qatary 30 paiyzdyq kvota arqyly jastar men áieldermen tolyǵatyny qýantady», – deidi Ashat Sadyrbai.
Sonymen qatar, ol jastar men áielderdiń joǵary deńgeide belsendilik tanytyp jatqanyn atap ótti.
«Men «Nur Otan» praimerizine qatystym. Ol jerde jastar men áielderdiń belsendiligin kórdim jáne qýandym. Bul buryn-sońdy bolmaǵan dúnie. Mundai belsendilik qalalyq jerde ǵana emes, aýdandyq, aýyldyq jerlerde de baiqaldy. Demek, saiasi protsesske jańa lep ákeledi degen sóz. Sailaýdan jaqsy nátijie kútemiz», dedi ol.
