QR Bilim jáne ǵylym ministri Ashat Aimaǵambetovtiń tóraǵalyǵymen QR Úkimeti janyndaǵy kámeletke tolmaǵandardyń isi jáne olardyń quqyqtaryn qorǵaý jónindegi vedomstvoaralyq komissiianyń otyrysy onlan rejimde ótti, dep habarlaidy "Ult aqparat".
«Balalar quqyǵyn qorǵaý – eń mańyzdy máseleniń biri. Videokamera boiynsha mektep bolsyn, balabaqsha bolsyn óte jaqsy dinamika bar. Bul turǵyda óte belsendi jumys júrgizgen aimaqtarǵa alǵys aitamyn. Bardy bar dep aitýymyz kerek. Mektep syrtyndaǵy ájethanalar jaiynda da solai deýge bolady. Biz bul máseleni jyldar boiy kóterip keldik. Osy jyldyń basynda 2352 mektepte ájethana syrtta edi. Qazirgi tańda mektepterdiń 99 paiyzynda bul másele retke keltirildi. Degenmen áli de montajdaý jumystary júrgizilip jatqan mektepter bar», - dedi Ashat Aimaǵambetov.
Ministr jaýapty komitet mektepterdi aralap shyqqanyn málim etti.
«Osy máseleler komissiianyń árbir otyrysynda jeke qaralady. Osyny áriptesterime eskertkim keledi. Bul óte mańyzdy», - dedi ol.
