قر بٸلٸم جەنە عىلىم مينيسترٸ اسحات ايماعامبەتوۆتٸڭ تٶراعالىعىمەن قر ٷكٸمەتٸ جانىنداعى كەمەلەتكە تولماعانداردىڭ ٸسٸ جەنە ولاردىڭ قۇقىقتارىن قورعاۋ جٶنٸندەگٸ ۆەدومستۆوارالىق كوميسسييانىڭ وتىرىسى ونلان رەجيمدە ٶتتٸ, دەپ حابارلايدى "ۇلت اقپارات".
«بالالار قۇقىعىن قورعاۋ – ەڭ ماڭىزدى مەسەلەنٸڭ بٸرٸ. ۆيدەوكامەرا بويىنشا مەكتەپ بولسىن, بالاباقشا بولسىن ٶتە جاقسى ديناميكا بار. بۇل تۇرعىدا ٶتە بەلسەندٸ جۇمىس جٷرگٸزگەن ايماقتارعا العىس ايتامىن. باردى بار دەپ ايتۋىمىز كەرەك. مەكتەپ سىرتىنداعى ەجەتحانالار جايىندا دا سولاي دەۋگە بولادى. بٸز بۇل مەسەلەنٸ جىلدار بويى كٶتەرٸپ كەلدٸك. وسى جىلدىڭ باسىندا 2352 مەكتەپتە ەجەتحانا سىرتتا ەدٸ. قازٸرگٸ تاڭدا مەكتەپتەردٸڭ 99 پايىزىندا بۇل مەسەلە رەتكە كەلتٸرٸلدٸ. دەگەنمەن ەلٸ دە مونتاجداۋ جۇمىستارى جٷرگٸزٸلٸپ جاتقان مەكتەپتەر بار», - دەدٸ اسحات ايماعامبەتوۆ.
مينيستر جاۋاپتى كوميتەت مەكتەپتەردٸ ارالاپ شىققانىن مەلٸم ەتتٸ.
«وسى مەسەلەلەر كوميسسييانىڭ ەربٸر وتىرىسىندا جەكە قارالادى. وسىنى ەرٸپتەستەرٸمە ەسكەرتكٸم كەلەدٸ. بۇل ٶتە ماڭىزدى», - دەدٸ ول.
