Májilistiń jalpy otyrysynda palata depýtattary «Qazaqstan Respýblikasynyń keibir zańnamalyq aktilerine áskeri qyzmet jáne arnaýly memlekettik organdar qyzmetkerleri men áskeri qyzmetshilerdiń turǵyn úi qatynastary máseleleri boiynsha ózgerister men tolyqtyrýlar engizý týraly» zań jobasyna Senaty engizgen ózgeristermen kelisti, dep habarlaidy QazAqparat.
«Parlament Májilisi atalǵan zań jobasyn 2021 jyldyń 29 jeltoqsanynda maquldaǵan bolatyn. Biylǵy 3 naýryzda Senat jalpy otyrys ótkizip, senatorlar osy zań jobasyna kelesi eki ózgeristi engizdi: birinshi - áskeri qyzmetshilerdiń qarý qoldanýyn belgileitin «Áskeri qyzmet jáne áskeri qyzmetshilerdiń mártebesi týraly» Zańnyń 6-baby 2-tarmaǵynyń qoldanystaǵy redaktsiiasynyń saqtalýyn, ekinshi – zań jobasyna Májilis tarapynan jańadan kirgizgen 6,1-babynyń áskeri qyzmetshilerdiń dene kúshin, jaýyngerlik kúres tásilderin, arnaiy quraldar men qarýdy qoldanatynyn belgileitin «Áskeri qyzmet jáne áskeri qyzmetshilerdiń mártebesi týraly» zań jobasynan alynyp tastalýyn. Bul ózgerister áskeri qyzmetshilerdiń quqyqtaryn retteý máselelerinde keshendi turǵyda kelýde qamtamasyz etý qajettigine bailanysty. Senat engizgen túzetýler Májilis maquldaǵan zań jobasynyń tujyrymdamasyn ózgertpeidi», - dedi Májilis depýtaty Erlik Taijanov.
Osy oraida Májilistiń Halyqaralyq ister, qorǵanys jáne qaýipsizdik komiteti zań jobasyna Senat engizgen ózgeristermen kelisýdi usyndy.
Qujatty qaraý kezinde palata depýtattary bul usynysqa qoldaý bildirdi.
Budan buryn habarlanǵandai, ótken aptada Senat depýtattary zań jobasyn talqylaý barysynda áskeri qyzmetshilerdiń quqyqtaryn retteý máselelerinde keshendi kózqarasty qamtamasyz etý qajettiligine bailanysty, «Áskeri qyzmet jáne áskeri qyzmetshilerdiń mártebesi týraly» Zańnyń 6-baby 2-tarmaǵynyń qoldanystaǵy redaktsiiasyn saqtaý bóliginde ózgerister engizý qajettiligi týyndady. Osy oraida qujatty talqylaýdan keiin, Senat engizgen túzetýmen zań jobasy Májiliske qaitaryldy.
