QR Qorǵanys ministrliginiń áskeri-injenerlik qyzmetshileri Arys qalasyn minadan tazalaý jumystaryn júrgizip jatyr. Bul týraly vedomstvonyń baspasóz qyzmeti habarlady.
«Qazirgi ýaqytta oqiǵa ornynda sapynda jarylys qaýpi bar zattarmen jumys isteýde tájiribe áskeri qyzmetshilerden jasaqtalǵan 9 minasyzdandyrý toby jumys istep jatyr. Atalǵan toptar aýmaqta jarylmai qalǵan oq-dárilerden tazartý boiynsha keshendi sharalar júzege asyrady. Oq-dárilerden tazartý jumysy eldi mekenderge taiaý ornalasqan qoimalar men basqa da saqtaý oryndaryndaǵy jarylý qaýpi bar zattardan barynsha tazartý maqsatynda uiymdastyrylǵan», - dep atap ótedi ministrlikten.
Vedomstvo málimetinshe, eń aldymen temir joldyń boiyn, qarý-jaraq qoimasyna irgeles Arys qalasyndaǵy turǵyn úiler men ǵimarattardyń mańyn qaýipti zattardan tazartý júrgiziledi. Bul turǵyndar úilerine oralǵan kezde olardyń qaýipsizdigin qamtamasyz etý úshin jasalyp jatyr. Sonymen qatar, ushqyshsyz ushatyn apparattardyń kómegimen Arys qalasynyń tóńiregi men arsenaldyń tehnikalyq aýmaǵy barlanýda.
«Áskeri politsiia bólimsheleri táýliktik sholǵyndaýdy uiymdastyrdy. Shamamen 700 áskeri qyzmetshi qalany qorshaýǵa alǵan. Sonymen qatar, oqiǵa ornynda 1 200 adamǵa arnalǵan shatyr tigilgen», - delingen taratylǵan aqparatta.
