قر قورعانىس مينيسترلٸگٸنٸڭ ەسكەري-ينجەنەرلٸك قىزمەتشٸلەرٸ ارىس قالاسىن مينادان تازالاۋ جۇمىستارىن جٷرگٸزٸپ جاتىر. بۇل تۋرالى ۆەدومستۆونىڭ باسپاسٶز قىزمەتٸ حابارلادى.
«قازٸرگٸ ۋاقىتتا وقيعا ورنىندا ساپىندا جارىلىس قاۋپٸ بار زاتتارمەن جۇمىس ٸستەۋدە تەجٸريبە ەسكەري قىزمەتشٸلەردەن جاساقتالعان 9 ميناسىزداندىرۋ توبى جۇمىس ٸستەپ جاتىر. اتالعان توپتار اۋماقتا جارىلماي قالعان وق-دەرٸلەردەن تازارتۋ بويىنشا كەشەندٸ شارالار جٷزەگە اسىرادى. وق-دەرٸلەردەن تازارتۋ جۇمىسى ەلدٸ مەكەندەرگە تاياۋ ورنالاسقان قويمالار مەن باسقا دا ساقتاۋ ورىندارىنداعى جارىلۋ قاۋپٸ بار زاتتاردان بارىنشا تازارتۋ ماقساتىندا ۇيىمداستىرىلعان», - دەپ اتاپ ٶتەدٸ مينيسترلٸكتەن.
ۆەدومستۆو مەلٸمەتٸنشە, ەڭ الدىمەن تەمٸر جولدىڭ بويىن, قارۋ-جاراق قويماسىنا ٸرگەلەس ارىس قالاسىنداعى تۇرعىن ٷيلەر مەن عيماراتتاردىڭ ماڭىن قاۋٸپتٸ زاتتاردان تازارتۋ جٷرگٸزٸلەدٸ. بۇل تۇرعىندار ٷيلەرٸنە ورالعان كەزدە ولاردىڭ قاۋٸپسٸزدٸگٸن قامتاماسىز ەتۋ ٷشٸن جاسالىپ جاتىر. سونىمەن قاتار, ۇشقىشسىز ۇشاتىن اپپاراتتاردىڭ كٶمەگٸمەن ارىس قالاسىنىڭ تٶڭٸرەگٸ مەن ارسەنالدىڭ تەحنيكالىق اۋماعى بارلانۋدا.
«ەسكەري پوليتسييا بٶلٸمشەلەرٸ تەۋلٸكتٸك شولعىنداۋدى ۇيىمداستىردى. شامامەن 700 ەسكەري قىزمەتشٸ قالانى قورشاۋعا العان. سونىمەن قاتار, وقيعا ورنىندا 1 200 ادامعا ارنالعان شاتىر تٸگٸلگەن», - دەلٸنگەن تاراتىلعان اقپاراتتا.
