Áskeri doktrinany iske asyrý jaiy qaraldy

Parlament Senaty Halyqaralyq qatynastar, qorǵanys jáne qaýipsizdik komitetiniń tóraiymy Dariǵa Nazarbaeva bastaǵan osy komitettiń músheleri elimizdiń Qorǵanys ministrliginde bolyp, Qazaqstan Respýblikasynyń Áskeri doktrinasyn iske asyrý máselelerin talqylady, dep habarlady osy palatanyń baspasóz qyzmeti.

Áskeri doktrinada elimizdiń Qarýly Kúshterin, áskeri qury­lym­dardy damy­tý­dyń keshendi sharalary belgilendi. Ol boiynsha Qarýly Kúshterdiń qury­lym­daryn ońtailandyrýdy jáne jetil­dirýdi; onyń jaýyngerlik quramyn kúshei­týdi; strategiialyq aralyq sipattaǵy tolyq­qandy áskeri toptardy qurý kózdelgen.

Sondai-aq, bul shara basqa­rýdyń avtomatty júiesi men kom­mý­­nikatsiia quraldaryn engizý ese­binen áskerdi basqarý júiesin jetildirýdi; aqparattyq qaýipsiz­diktiń tiimdi júiesin qurýdy; áýe jáne zymyranǵa qarsy qorǵanys júiesin jetildirýdi; qazirgi zaman­ǵy qarý-jaraq jáne tehnikamen, onyń ishinde dáldigi asa joǵa­ry qarýlarmen jabdyqtaý esebinen áskerlerdiń jaýyngerlik qabilet­tiligin arttyrýdy; áskerlerdiń jaýyngerlik daiyndyq júiesine qazirgi zamanǵy daiarlyq keshen­derin engizýdi; áskeri bilim berý jáne mamandar daiarlaý júiesin jańǵyrtýdy; memleket aýmaǵyn jáne Kaspii aimaǵyndaǵy áskeri infra­qurylymdardy jedel jab­dy­q­taýdy jetildirýdi jáne basqa da mindetterdi qarastyrady.

Áskeri doktrina aiasynda Qarý­ly Kúshterdi, basqa áskerlerdi jáne áskeri qurylymdardy keshen­di damytý týraly Qorǵanys ministri Sáken Jasuzaqov baiandady. Talqylaý barysynda Ulttyq ulannyń Bas qolbasshysy Rýslan Jaqsylyqov, Ulttyq qaýipsizdik komiteti tóraǵasynyń orynbasary – Shekara qyzmetiniń direktory Dar­han Dilmanov, Ishki ister ministr­ligi Tótenshe jaǵdailar jónin­degi komitet tóraǵasynyń minde­tin atqarýshy Sábit Bitaev sóz sói­ledi.

Senatorlar Nurtai Ábiqaev, Muhtar Altynbaev jáne Serik Jaqsybekov Áskeri doktrinany iske asyrýǵa, áskeri sala men qorǵanys týraly zańnamany jetil­dirýge qatysty birqatar mańyzdy máselelerdi kóterdi.

Kezdesý qorytyndysy bo­iyn­sha Dariǵa Nazarbaeva áskeri qyz­metkerlerdiń áleýmettik jaǵdaiyn, olardyń materialdyq-tehnikalyq jabdyqtalýyn jaqsartý jáne elimizdiń qorǵanys qabileti men qaýipsizdigin kúsheitýge múmkindik beretin basqa da máselelerdi tal­qy­laý úshin múddeli memlekettik organ­darmen birlese jumys tobyn qurý­dy usyndy.

Senattyń joǵaryda atalǵan komiteti elimiz Qarýly Kúshteriniń Qaraǵandy garnizonyndaǵy áýe qorǵanysy áskeri bólimine barýdy josparlap otyr.