Áskeri bólimnen urlanǵan qarýmen eshkimge eshqandai zalal keltirilmedi. Bul týraly QR Ishki ister ministri Erlan Turǵymbaev málim etti, dep habarlaidy "Ult aqparat".
«Kelisimshartpen qyzmet etip júrgen ol áskeri bólimnen ruqsatsyz shyǵyp, qarý-jaraqty alyp qashyp ketken. Olar - atys qarýyna jatatyn avtomattar men tapanshalar. Qazirgi ýaqytta kúdikti ustaldy. Sáikesinshe, búginde atalǵan qarýdy alýǵa qatysty tergeý is-qimyldary júrgizilýde», - dedi vedomstvo basshysy Parlament Senatynda tilshiler saýalyna jaýap bere otyryp.
Onyń sózine qaraǵanda, erteń barlyq tergeý sharalary ótkizilgennen keiin, sondai-aq sybailastardy anyqtaý sharalary júrgizilgen soń, iaǵni qarýdyń jasyrynǵan jeri men anyqtalǵan orny týraly derekter boiynsha qosymsha málimet beriledi.
«Búgin tergeý amaldary júrgizilýine bailanysty jáne tergeý múddesine orai bul aqparatty tolyqtai jariialaýǵa bolmaidy. Erteń tolyq aqparatty buqaralyq aqparat quraldaryna jariia etemin», - dedi E. Turǵymbaev.
«Atalǵan qarýdan eshkimge eshqandai zalal keltirilmegenin aita alamyn» – dep naqtylady ministr.
Budan buryn habarlanǵandai, Shymkent qalasyna taiaý jerdegi áskeri bólimnen kelisimshartpen qyzmet etip jatqan kishi serjant A.Balǵynbai birneshe qarý-jaraq alyp qashyp ketti.
Al, 20 aqpan kúni keshqurym áskeri bólimnen qashyp ketken áskeri qyzmetshini izdeýge qatysty operatsiia aiaqtaldy .
«IIM jáne UQK qyzmetkerleriniń arnaiy jedel toby atys qarýyn urlap, áskeri bólimdi tastap ketip qalǵan 1995 jylǵy Abylai Baǵdatuly Balǵynbaidy ustady. Qarýdy urlaýǵa qatysty QR Qylmystyq kodeksiniń 291-baby boiynsha sotqa deiingi tergeý júrgizilýde. Qazir qajetti tergeý amaldary júrgizilip jatyr», delingen habarlamada
