Foto: Alash.kz
2024 jyldyń 17 aqpanynda Aqtaý garnizony áskeri bólimderiniń birinde merzimdi qyzmettegi sarbaz R. Jaiǵalievtiń qaza bolýyna qatysty qylmystyq is tergelip, aiaqtaldy dep habarlaidy Ult.kz.
Tergeý nátijesinde bólim komandiriniń qyzmettik mindetterine salǵyrt qaraýy saldarynan jeke quramdy baqylaý jáne qarýmen jumys isteý tártibi talaptarynyń saqtalmaǵany anyqtaldy, bul qaiǵyly oqiǵaǵa tikelei sebep bolǵan.
Tergeý barysynda áskeri jarǵylar men vedomstvolyq buiryqtarda kózdelgen qaýipsizdik sharalary tolyq oryndalmaǵany belgili boldy. Sonyń saldarynan qyzmettik mindetin tiisinshe atqarmaǵan jaýapty tulǵalardyń áreketsizdigi qaiǵyly jaǵdaiǵa ákelgen.
Áskeri prokýrorlardyń qadaǵalaýymen jáne jedel-tergeý tobynyń birlesken jumysy nátijesinde qajetti dálelder jinaqtalyp, birqatar sot saraptamalary júrgizildi. Is máni boiynsha qaraý úshin sotqa joldandy.
Sonymen qatar, barlaý-shabýyl batalonynyń komandiri, onyń orynbasary jáne rota komandiri qyzmetinen bosatylyp, 10 laýazymdy tulǵa tártiptik jaýapkershilikke tartyldy.
Atalǵan fakti boiynsha sotqa deiingi tergeý materialdary tiisti tártippen qaralýda jáne protsess jalǵasýda.
