Sovet odaǵynyń batyry Núrken Ábdirov atyndaǵy Qaraǵandy aviatsiia bazasy jańa Sý-30SM joiǵysh ushaqtarymen tolyqty, dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
Resei Federatsiiasymen jasalǵan kelisim jáne Qazaqstannyń Qarýly kúshterin qaita jaraqtaý baǵdarlamasy boiynsha Áskeri-áýe kúshterine kóp fýnktsiialy Sý-30SM ushqyr ushaqtary keldi.
«Cý-30SM ushaqtary áskerlerdi jáne obektilerdi áýe shabýyly soqqysynan qorǵaný, áýedegi jáne jerdegi nysanany anyqtaý men joiý múmkindigin aitarlyqtai artyrady. Solardyń arqasynda Qarýly kúshterdiń áleýeti artady», – dedi Áýe qorǵanysy kúshteriniń bas qolbasshysy general-leitenant Nurlan Ormanbetov.
Cý-30SM – bul eki oryndy kópmaqsatty, barlyq aýa-raiynda ushatyn, joǵary manevrli 4++ jatatyn joiǵysh ushaq. Bul ushaqta qazir Áskeri-áýe kúshterindegi Sý-27 jáne Mig-31 sekildi eki túrli áskeri mashinanyń barlyq fýnktsiiasy bar.
Ushaqtardy Irkýtsk aviatsiia zaýytynan ákelý 2015 jyldan beri iske asyrylyp keledi. Búgingi kúnge deiin kóptegen aviatsiialyq baza osy joiǵysh ushaqpen jaraqtalǵan.
Qaraǵandy aviatsiia bazasynyń ushý jáne injenerlik-tehnikalyq quramy Taldyqorǵan men ushaqty daiyndaǵan zaýytta tolyq oqýdan ótti. Olar ushaqty basqarýǵa, paidalanýǵa jáne osy tektes ushaqtarǵa qyzmet kórsetýge tiisti ruqsat aldy.
