Qazaqstanda áskeri qyzmetshilerdiń 70 paiyzdan astamy kelisimshart boiynsha qyzmet etedi, dep habarlaidy QazAqparat.
Almatyda onlain brifing barysynda Almaty qalasy qorǵanys isteri jónindegi Departamentiniń basshysy Amantai Óserbaev osylai dep málimdedi.
«Búginde kelisimshart boiynsha qyzmet etkisi keletinder sany artyp keledi. Mysaly, biyl kelisimshartpen jumys isteýge Almatydan 500-ge jýyq adam qabyldandy», - dedi ol.
Sonymen qatar, áskerge shaqyrylǵandar arasynda kórý qabileti nashar azamattar kóbeigen.
«Jańa býyndaǵy áskerge shaqyrylýshylar arasynda jii kezdesetin aýrýlardyń biri – kórý qabiletiniń nasharlyǵy, sondyqtan talaptar ózgerip, tómendetildi. Sebebi, qazir 100 % kórý qabileti bar áskerge shaqyrylýshylar az. Biz sondai-aq úmitkerlerdiń bilim deńgeii men psihologiialyq jaǵdaiyn eskeremiz», - dedi Óserbaev.
Brifing barysynda qorǵanys isteri jónindegi departament basshysy áskerge shaqyrýdy keiinge qaldyrý nemese bosatý týraly sheshimdi tek shaqyrý komissiiasy qabyldaitynyn aitty.
