Astanada merzimdi áskeri qyzmet kezinde aýyr jaraqat alyp, eki jyldan astam ýaqyt ómiri úshin kúresken Erbaian Muhtar sońǵy saparǵa attandy, dep habarlaidy ult.kz.
Marqumnyń janaza namazy Sheih Qunta qajy meshitinde oqyldy. Qoshtasý rásimine týǵan-týystary men jaqyndary, sondai-aq Ulttyq ulannyń ókilderi qatysty.
Otbasynyń advokaty Inga Imanbai Erbaian Muhtardyń basynan ótken qaiǵyly oqiǵa qoǵamnyń áskerge degen senimine áser etkenin aitty.
«Osyndai jaǵdailardan keiin kim óz balasyn áskerge jibergisi keledi? Men uldarymnyń patriot bolyp ósip, elin qorǵaityn azamat bolǵanyn qalaimyn. Biraq ol úshin memleketke senýim qajet», – dedi advokat.
Eske salaiyq, Erbaian Muhtar merzimdi áskeri qyzmet kezinde aýyr jaraqat alyp, uzaq ýaqyt em qabyldaǵan edi. Buǵan deiin onyń qaitys bolǵany týraly aqparat jariialanǵan bolatyn.
