استانادا مەرزٸمدٸ ەسكەري قىزمەت كەزٸندە اۋىر جاراقات الىپ, ەكٸ جىلدان استام ۋاقىت ٶمٸرٸ ٷشٸن كٷرەسكەن ەربايان مۇحتار سوڭعى ساپارعا اتتاندى, دەپ حابارلايدى ult.kz.
مارقۇمنىڭ جانازا نامازى شەيح قۇنتا قاجى مەشٸتٸندە وقىلدى. قوشتاسۋ رەسٸمٸنە تۋعان-تۋىستارى مەن جاقىندارى, سونداي-اق ۇلتتىق ۇلاننىڭ ٶكٸلدەرٸ قاتىستى.
وتباسىنىڭ ادۆوكاتى ينگا يمانباي ەربايان مۇحتاردىڭ باسىنان ٶتكەن قايعىلى وقيعا قوعامنىڭ ەسكەرگە دەگەن سەنٸمٸنە ەسەر ەتكەنٸن ايتتى.
«وسىنداي جاعدايلاردان كەيٸن كٸم ٶز بالاسىن ەسكەرگە جٸبەرگٸسٸ كەلەدٸ? مەن ۇلدارىمنىڭ پاتريوت بولىپ ٶسٸپ, ەلٸن قورعايتىن ازامات بولعانىن قالايمىن. بٸراق ول ٷشٸن مەملەكەتكە سەنۋٸم قاجەت», – دەدٸ ادۆوكات.
ەسكە سالايىق, ەربايان مۇحتار مەرزٸمدٸ ەسكەري قىزمەت كەزٸندە اۋىر جاراقات الىپ, ۇزاق ۋاقىت ەم قابىلداعان ەدٸ. بۇعان دەيٸن ونىڭ قايتىس بولعانى تۋرالى اقپارات جارييالانعان بولاتىن.
