Asqar Jumaǵaliev qyzmetinen bosatyldy, dep habarlaidy "Ult aqparat".
Bul jaiynda Prezidenttiń baspasóz hatshysy Berik Ýáli málimet taratty.
«Memleket basshysynyń Jarlyǵymen Asqar Qýanyshuly Jumaǵaliev Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministri qyzmetinen bosatyldy» dep jazdy Prezidenttiń baspasóz hatshysy Facebook paraqshasynda.
Aita keteiik, buǵan deiin Prezident birqatar ministr men ákimge sógis jariialady. Onyń ishinde Tsifrlyq damý, innovatsiialar jáne aeroǵarysh ónerkásibi ministri Asqar Jumaǵalievqa da eskertý jasaǵan-tyn.
Asqar Qýanyshuly 1972 jyly dúniege kelgen.
Sverdlov Sývorov áskeri ýchilishesin támamdaǵan. Odan keiin "Radiobailanys, radiotaratý jáne teledidar" mamandyǵy boiynsha qazaq ulttyq tehnikalyq ýniversitetinde oqydy. Qazaq gýmanitarlyq-zań ýniversitetinde "Quqyqtaný" mamandyǵy boiynsha ekinshi joǵary bilimin alǵan.
Orys, qazaq jáne aǵylshyn tilderin biledi.
Eńbek jolyn 1996 jyly "Jaryq" JShS bas direktory qyzmetinen bastady.
Ár jyldary "Telekommýnikatsiialyq trafik billingi respýblikalyq ortalyǵynyń" basqarma basshysy, "Qazaqtelekom"AQ-nyń prezidenti, Qazaqstan premer-ministriniń orynbasary, Qazaqstan premer-ministriniń orynbasary – qorǵanys jáne aeroǵarysh ónerkásibi ministri bolyp eńbek etti.
2019 jyldyń 18 maýsymynda tsifrlyq damý, innovatsiialar jáne aeroǵarysh ónerkásibi ministrliginiń basshysy bolyp taǵaiyndaldy.
