Niý-Iorktegi investitsiialyq konferentsiia aiasynda QR Premer-Ministriniń orynbasary Asqar Jumaǵaliev pen BUU-daǵy QR Turaqty ókili Qairat Omarov BUU Bas hatshysy Antonio Gýterrishpen jáne onyń orynbasary Liý Chjenminmen kezdesti, dep habarlaidy primeminister.kz.
Kezdesýlerde turaqty damý maqsattaryna qol jetkizý, BUU-nyń rezident-úilestirýshi júiesin reformalaý jáne elektrondyq úkimetti damytý týraly aityldy.
BUU basshylyǵymen áńgimelesý kezinde Asqar Jumaǵaliev Prezident N. Nazarbaevtyń bastamasymen qabyldanǵan «Tsifrlyq Qazaqstan» baǵdarlamasy týraly aityp berdi.
Baǵdarlama infraqurylymdy, adam kapitalyn, elektrondy úkimetti, tsifrlyq ekonomikany jáne innovatsiialyq ekojúieni qurýdy damytýǵa baǵyttalǵan. Vitse-premer, sondai-aq, bul Baǵdarlama turaqty damý maqsattaryna qol jetkizýge yqpal etetin quraldardyń biri ekenin atap ótti.
Óz kezeginde, BUU-da tsifrlyq tehnologiialardy engizý salasyndaǵy Qazaqstannyń mańyzdy jetistikteri atalyp ótti.
Bas hatshy Antonio Gýterrish QR men BUU arasyndaǵy elektrondyq úkimetti damytý salasyndaǵy yntymaqtastyq týraly kelisim jasasý múmkindigin qarastyrýǵa niet bildirdi.
Bas hatshynyń orynbasary Liý Chjenmin BUU-nyń Ekonomikalyq jáne áleýmettik máseleler departamenti (EÁMD) Qazaqstanmen yntymaqtastyqta jańa jobalardy júzege asyrýǵa múddeli ekenin atap ótti.
Kezdesý qorytyndysy boiynsha taraptar barlyq máseleler boiynsha jemisti yntymaqtastyqty jalǵastyrýǵa niet bildirdi.
Eske sala keteiik, BUU reitingisinde Qazaqstan elektrondyq úkimetti damytý turǵysynan álemniń 193 eliniń arasynda 39-orynǵa ie.
