QR Úkimetiniń qaýlysymen Asqar Jambakin Qazaqstan Respýblikasynyń tsifrlyq damý, innovatsiialar jáne aeroǵarysh ónerkásibi vitse-ministri qyzmetine taǵaiyndaldy, dep habarlaidy "Ult aqparat" QR Premer-Ministriniń baspasóz qyzmetine silteme jasap.
Asqar Jambakin 1985 jyly Almaty qalasynda dúniege kelgen. 2007 jyly Almaty energetika jáne bailanys institýtyn, 2009 jyly Manchester ýniversitetin támamdaǵan.
Eńbek jolyn 2003 jyly «Eir Qazaqstan» JAQ bailanys torabynyń birinshi sanatty bailanys tehnigi bolyp bastaǵan.
2010-2011 jyldary — «HSBC Qazaqstan banki» AQ EB korporativtik júieler bóliminiń basshysy, direkt marketing boiynsha ofitseri.
2011-2014 jyldary «Qazaqstannyń damý banki» AQ ádisteme jáne biznes-protsester basqarmasynyń basshysy, biznes-protsester jáne korporativtik damý departamentteriniń direktory bolyp jumys istegen.
2014-2016 jyldary — QR Ulttyq bankiniń tólem júielerin basqarý jáne damytý departamenti direktorynyń orynbasary.
2016-2017 jyldary «Qazkommertsbank» AQ departamenti direktorynyń orynbasary, direktory laýazymdaryn atqarǵan.
2017-2018 jyldary — «Zerde» ulttyq infokommýnikatsiia holdingi» jobalyq keńse baǵdarlamalarynyń menedjeri, basqarma tóraǵasynyń keńesshisi.
2018 jylǵy mamyr aiynan bastap qazirgi tańǵa deiin kommertsiialyq uiymdarda basshylyq laýazymdarda qyzmet atqardy.
