QR Premer-Ministri Asqar Maminniń tóraǵalyǵymen Qazaqstan Respýblikasy Prezidentiniń janyndaǵy «Jasyl ekonomikaǵa» kóshý jónindegi keńes otyrysy ótti, dep habarlaidy primeminister.kz.
QR-nyń «jasyl ekonomikaǵa» kóshýi jónindegi 2013-2020 jyldarǵa arnalǵan tujyrymdamanyń is-sharalar josparyn iske asyrý barysy týraly ekologiia, geologiia jáne tabiǵi resýrstar ministri Maǵzum Myrzaǵaliev, Almaty oblysynyń ákimi Amandyq Batalov, Qostanai oblysy ákiminiń orynbasary Viktor Ionenko, eń ozyq qoljetimdi tehnologiialar anyqtamalyqtaryn ázirleý týraly «Halyqaralyq jasyl tehnologiialar men investitsiialyq jobalar ortalyǵy» KEAQ basqarma tóraǵasynyń m. a. Janar Igenova baiandady.
QR-nyń «jasyl ekonomikaǵa» kóshýi jónindegi 2013-2020 jyldarǵa arnalǵan tujyrymdamany iske asyrý aiasynda aýyl sharýashylyǵyndaǵy eńbek ónimdiligi 4,83 esege ulǵaidy, elektr energiiasyn óndirýdegi jańartylatyn energiia kózderiniń (JEK) úlesi 3%-ǵa deiin, gaz elektr stantsiialarynyń úlesi 20,2%-ǵa deiin artty. Qalalarda ortalyq aýyz sýmen jabdyqtaý júiesi turaqty túrde qoljetimdi sý paidalanýshylardyń úlesi 97,5%-ǵa, aýyldyq jerlerde 90,1%-ǵa jetti. JIÓ-niń energiia syiymdylyǵy 2008 jylǵy kórsetkishten 33,1%-ǵa tómendedi.
Ornyqty damý mindetterin iske asyrý maqsatynda Qazaqstanda jańa Ekologiialyq kodeks qabyldandy, ol biylǵy 1 shildede kúshine enedi jáne Eýropalyq odaq elderiniń tájiribesi boiynsha eń ozyq qoljetimdi tehnologiialar (OQT) kórsetkishterin paidalaný arqyly kásiporyndardy óndiristi jańǵyrtýǵa yntalandyrýdy kózdeidi.
OQT biýrosy júrgizgen QR ónerkásibiniń negizgi salalary kásiporyndarynyń keshendi tehnologiialyq aýditi negizinde eń ozyq qoljetimdi tehnologiialar boiynsha anyqtamalyqtar ázirlenýde. Tehnikalyq jumys toptarynyń quramyna ónerkásip kásiporyndarynyń, memlekettik organdardyń, salalyq jáne ekologiialyq qaýymdastyqtardyń, ǵylymi jáne jobalaý uiymdarynyń, joǵary oqý oryndarynyń 335 ókili kirdi. Halyqaralyq konsýltanttarmen ózara is-qimyl júzege asyrylady.
Qazirgi tańda «Energiia óndirý maqsatynda iri qondyrǵylarda otyndy jaǵý», «Munai men gazdy qaita óńdeý», «Beiorganikalyq himiialyq zattar óndirisi», «Tsement jáne ák óndirisi», «Sharýashylyq jáne (nemese) ózge de qyzmetti júzege asyrý kezindegi energetikalyq tiimdilik» anyqtamalyqtary qaralyp jatyr. 2022 jylǵa 9 anyqtamalyq ázirleý josparlanǵan. Aldaǵy kezeńde OQT boiynsha keminde 30 salalyq jáne salaaralyq anyqtamalyqtar ázirleý josparlanýda. OQT boiynsha anyqtamalar jáne tiisti qorytyndylar QR Úkimetiniń qaýlysymen bekitiledi.
Úkimet basshysy Qazaqstannyń Parij kelisimi boiynsha qabyldaǵan halyqaralyq mindettemelerin jáne 2030 jylǵa deiingi Turaqty damý salasyndaǵy kún tártibin, sondai-aq ázirlenip jatqan «Jasyl Qazaqstan» ulttyq jobasyn eskere otyryp, QR-nyń «jasyl ekonomikaǵa» kóshýi jónindegi tujyrymdamany ózektendirýdi tapsyrdy.
