قر پرەمەر-مينيسترٸ اسقار ماميننٸڭ تٶراعالىعىمەن قازاقستان رەسپۋبليكاسى پرەزيدەنتٸنٸڭ جانىنداعى «جاسىل ەكونوميكاعا» كٶشۋ جٶنٸندەگٸ كەڭەس وتىرىسى ٶتتٸ, دەپ حابارلايدى primeminister.kz.
قر-نىڭ «جاسىل ەكونوميكاعا» كٶشۋٸ جٶنٸندەگٸ 2013-2020 جىلدارعا ارنالعان تۇجىرىمدامانىڭ ٸس-شارالار جوسپارىن ٸسكە اسىرۋ بارىسى تۋرالى ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ, الماتى وبلىسىنىڭ ەكٸمٸ اماندىق باتالوۆ, قوستاناي وبلىسى ەكٸمٸنٸڭ ورىنباسارى ۆيكتور يونەنكو, ەڭ وزىق قولجەتٸمدٸ تەحنولوگييالار انىقتامالىقتارىن ەزٸرلەۋ تۋرالى «حالىقارالىق جاسىل تەحنولوگييالار مەن ينۆەستيتسييالىق جوبالار ورتالىعى» كەاق باسقارما تٶراعاسىنىڭ م. ا. جانار يگەنوۆا باياندادى.
قر-نىڭ «جاسىل ەكونوميكاعا» كٶشۋٸ جٶنٸندەگٸ 2013-2020 جىلدارعا ارنالعان تۇجىرىمدامانى ٸسكە اسىرۋ اياسىندا اۋىل شارۋاشىلىعىنداعى ەڭبەك ٶنٸمدٸلٸگٸ 4,83 ەسەگە ۇلعايدى, ەلەكتر ەنەرگيياسىن ٶندٸرۋدەگٸ جاڭارتىلاتىن ەنەرگييا كٶزدەرٸنٸڭ (جەك) ٷلەسٸ 3%-عا دەيٸن, گاز ەلەكتر ستانتسييالارىنىڭ ٷلەسٸ 20,2%-عا دەيٸن ارتتى. قالالاردا ورتالىق اۋىز سۋمەن جابدىقتاۋ جٷيەسٸ تۇراقتى تٷردە قولجەتٸمدٸ سۋ پايدالانۋشىلاردىڭ ٷلەسٸ 97,5%-عا, اۋىلدىق جەرلەردە 90,1%-عا جەتتٸ. جٸٶ-نٸڭ ەنەرگييا سىيىمدىلىعى 2008 جىلعى كٶرسەتكٸشتەن 33,1%-عا تٶمەندەدٸ.
ورنىقتى دامۋ مٸندەتتەرٸن ٸسكە اسىرۋ ماقساتىندا قازاقستاندا جاڭا ەكولوگييالىق كودەكس قابىلداندى, ول بيىلعى 1 شٸلدەدە كٷشٸنە ەنەدٸ جەنە ەۋروپالىق وداق ەلدەرٸنٸڭ تەجٸريبەسٸ بويىنشا ەڭ وزىق قولجەتٸمدٸ تەحنولوگييالار (وقت) كٶرسەتكٸشتەرٸن پايدالانۋ ارقىلى كەسٸپورىنداردى ٶندٸرٸستٸ جاڭعىرتۋعا ىنتالاندىرۋدى كٶزدەيدٸ.
وقت بيۋروسى جٷرگٸزگەن قر ٶنەركەسٸبٸنٸڭ نەگٸزگٸ سالالارى كەسٸپورىندارىنىڭ كەشەندٸ تەحنولوگييالىق اۋديتٸ نەگٸزٸندە ەڭ وزىق قولجەتٸمدٸ تەحنولوگييالار بويىنشا انىقتامالىقتار ەزٸرلەنۋدە. تەحنيكالىق جۇمىس توپتارىنىڭ قۇرامىنا ٶنەركەسٸپ كەسٸپورىندارىنىڭ, مەملەكەتتٸك ورگانداردىڭ, سالالىق جەنە ەكولوگييالىق قاۋىمداستىقتاردىڭ, عىلىمي جەنە جوبالاۋ ۇيىمدارىنىڭ, جوعارى وقۋ ورىندارىنىڭ 335 ٶكٸلٸ كٸردٸ. حالىقارالىق كونسۋلتانتتارمەن ٶزارا ٸس-قيمىل جٷزەگە اسىرىلادى.
قازٸرگٸ تاڭدا «ەنەرگييا ٶندٸرۋ ماقساتىندا ٸرٸ قوندىرعىلاردا وتىندى جاعۋ», «مۇناي مەن گازدى قايتا ٶڭدەۋ», «بەيورگانيكالىق حيمييالىق زاتتار ٶندٸرٸسٸ», «تسەمەنت جەنە ەك ٶندٸرٸسٸ», «شارۋاشىلىق جەنە (نەمەسە) ٶزگە دە قىزمەتتٸ جٷزەگە اسىرۋ كەزٸندەگٸ ەنەرگەتيكالىق تيٸمدٸلٸك» انىقتامالىقتارى قارالىپ جاتىر. 2022 جىلعا 9 انىقتامالىق ەزٸرلەۋ جوسپارلانعان. الداعى كەزەڭدە وقت بويىنشا كەمٸندە 30 سالالىق جەنە سالاارالىق انىقتامالىقتار ەزٸرلەۋ جوسپارلانۋدا. وقت بويىنشا انىقتامالار جەنە تيٸستٸ قورىتىندىلار قر ٷكٸمەتٸنٸڭ قاۋلىسىمەن بەكٸتٸلەدٸ.
ٷكٸمەت باسشىسى قازاقستاننىڭ پاريج كەلٸسٸمٸ بويىنشا قابىلداعان حالىقارالىق مٸندەتتەمەلەرٸن جەنە 2030 جىلعا دەيٸنگٸ تۇراقتى دامۋ سالاسىنداعى كٷن تەرتٸبٸن, سونداي-اق ەزٸرلەنٸپ جاتقان «جاسىل قازاقستان» ۇلتتىق جوباسىن ەسكەرە وتىرىپ, قر-نىڭ «جاسىل ەكونوميكاعا» كٶشۋٸ جٶنٸندەگٸ تۇجىرىمدامانى ٶزەكتەندٸرۋدٸ تاپسىردى.
