Shaǵyn jáne orta biznes - ekonomikanyń damýyna serpin berýi tiis. Bul týraly Úkimet otyrysynda QR Premer-Ministri Asqar Mamin aitty, dep habarlaidy "Ult aqparat".
«Búgin Prezidenttiń tapsyrmalaryn oryndaý sharalary boiynsha memlekettik organdardyń usynystaryn tyńdadyq. Memleket basshysynyń ár tapsyrmasyn nátijeli ári jedel oryndaý qajet. Qabyldanyp jatqan sharalar halyq pen bizneske jan-jaqty qoldaý kórsetýdi, sondai-aq ekonomikalyq belsendilikti jandandyrýdy qamtamasyz etýi kerek. Jańa jaǵdaida shikizattyq emes eksportty proaktivti damytýǵa jáne investitsiialardy nysanaly tartýǵa baǵdarlanǵan ózin-ózi qamtamasyz ete alatyn jáne ártaraptandyrylǵan ekonomikany damytýǵa nazar aýdarymyz qajet», - dedi Asqar Mamin.
Úkimet basshysy shaǵyn jáne orta biznes - ekonomikanyń damýyna serpin berýi tiistigin, ol úshin barlyq jaǵdaidy jasaý qajettigin basa aitty. Densaýlyq saqtaý jáne bilim berý júielerin, infraqurylymdy jáne nátijeli jumyspen qamtýdy damytýǵa erekshe nazar aýdarý kerektiginatap ótti.
«Úkimettiń 2021 jyly basty maqsaty ekonomikalyq ósýdi 3 paiyz qamtamasyz etý, negizgi kapitalǵa investitsiialardy 20 paiyzǵa deiin, jalpy ishki ónimdi jáne shaǵyn jáne orta biznestiń úlesterin 30 paiyzǵa ulǵaitý, aýyl sharýashylyǵyndaǵy eńbek ónimdiligin 1,4 ese, óńdeý ónerkásibin – 10 paiyz arttyrý, jumyssyzdyqty 4,9 paiyzǵa deiin qysqartý bolyp tabylady», - dedi Premer-Ministr.
