QR Premer-Ministri laýazymyna taǵaiyndalǵan Asqar Mamin Úkimettiń Parlamentpen úilesimdi ári nátijeli jumys isteitindigine aitty, dep habarlaidy "Ult aqparat".
«Eń aldymen maǵan kórsetken senimderińizge alǵys aitamyn. Bul men úshin zor mártebe jáne úlken jaýapkershilik. Aldymyzda Qazaqstannyń turaqty áleýmettik-ekonomikalyq damýy boiynsha úlken maqsat-mindetter qoiylǵan. Búgin Memleket basshysy Qasym-Jomart Toqaev elimizdiń damýynyń basym baǵyttaryn jariialady. Sonyń ishinde eń bastysy - halyqtyń tabysyn arttyrý», - dedi Májilistiń jalpy otyrysynda depýtattardyń kelisimimen Úkimet basshysy laýazymyna qaita taǵaiyndalǵan Asqar Mamin.
Úkimet basshysy bul mindetterdi ekonomikany qarqyndy damytý arqyly oryndaýǵa bolatyndyǵyn aitty.
«Osy maqsatta ekonomikanyń básekege qabilettiligin arttyrý, investitsiialar tartý, jańa tehnologiialardy engizý, jańa jumys oryndaryn qurý jáne taǵy da basqa baǵyttar boiynsha tiimdi sharalar iske asyrylady. Osy strategiialyq mindetterdi iske asyrýda Úkimet Parlamentpen birge úilesimdi ári nátijeli jumys isteitin bolady», - dedi Asqar Mamin.
