Qazaqstan Respýblikasynyń Premer-Ministri Asqar Mamin Resei Federatsiiasy Úkimetiniń Tóraǵasy Mihail Mishýstinmen telefon arqyly sóilesti, dep habarlaidy primeminister.kz.
Taraptar saýda-ekonomikalyq, otyn-energetikalyq, kólik, investitsiia jáne basqa da salalardaǵy Qazaqstan – Resei ekijaqty yntymaqtastyǵynyń jai-kúii men perspektivalaryn, sondai-aq EAEO aiasyndaǵy ózara is-qimyldyń ózekti máselelerin talqylady.
Sondai-aq COVID-19-dyń taralýyna qarsy birlesken is-sharalarǵa erekshe nazar aýdaryldy.
Resei Úkimetiniń basshysy QR Tuńǵysh Prezidenti – Elbasy Nursultan Ábishuly Nazarbaevqa jyly lebizin bildirip, tezirek saýyǵýyn tiledi.
