Búgin Tashkent qalasynda QR Premer-Ministri Asqar Mamin Ózbekstan Prezidenti Shavkat Mirzieevpen kezdesti. Bul týraly "Ult aqparat" primeminister.kz silteme jasap habarlaidy.
«QR Tuńǵysh Prezidenti – Elbasy Nursultan Nazarbaev Sizben birge Qazaqstan men Ózbekstan arasyndaǵy ekijaqty qarym-qatynasty strategiialyq yntymaqtastyqtyń jańa deńgeiine shyǵarýdyń negizin qalady. Memleket basshysy Qasym-Jomart Toqaev sabaqtastyqty syrtqy saiasattyń negizgi qaǵidaty retinde quptai otyryp, Ózbekstan Respýblikasymen ózara tiimdi ári uzaq merzimdi yntymaqtastyqty damytýǵa erekshe kóńil bóledi», — dedi A. Mamin.
QR Premer-Ministri ekijaqty yntymaqtastyqtyń joǵary qarqynyn atap ótti.
Ózbekstan — Qazaqstannyń aimaqtaǵy asa mańyzdy saýda seriktesi. 2019 jyldyń qorytyndysy boiynsha ekijaqty saýda kólemi $4,1 mlrd jetti. 2020 jyldyń sońyna deiin taýar ainalymyn $5 mlrd deiin jetkizý josparlanyp otyr. Búgingi tańda Qazaqstan men Ózbekstanda 3 myńnan astam birlesken kásiporyn jumys isteidi.
Kelissóz barysynda saýda-ekonomikalyq, investitsiialyq, sý-energetikalyq, tranzittik-kóliktik, qurylys, aýyl sharýashylyǵy, toqyma, avtomobil jasaý, mádeni-gýmanitarlyq, týristik, ekologiialyq jáne basqa da salalardaǵy yntymaqtastyqty odan ári damytýdyń aýqymdy máseleleri talqylandy.
Taraptar Qazaqstan men Ózbekstannyń strategiialyq seriktestikti keńeitýge jáne nyǵaitýǵa degen úzdiksiz umtylysy eki eldiń Aimaqaralyq yntymaqtastyq forýmyn ótkizý tájiribesinen kórinis bergenin atap ótti.
QR men ÓR aimaqaralyq yntymaqtastyǵynyń I forýmy 2018 jylǵy 16 qarashada Shymkent qalasynda ótti.
Biylǵy 26 aqpanda Qazaqstan Respýblikasy men Ózbekstan Respýblikasynyń aimaqaralyq yntymaqtastyǵynyń II forýmy Horezm oblysynyń Úrgenish qalasynda «Agroónerkásiptik kooperatsiia, ónerkásip jáne týrizm salasyndaǵy aimaqtyq biznestiń yntymaqtastyǵy» taqyrybynda ótedi.
Is-sharaǵa 300-den astam adam — QR Premer-Ministri A. Mamin men ÓR Premer-Ministri A. Aripov, memlekettik organdardyń, óńirlerdiń basshylary, sondai-aq eki eldiń iskerlik ortalarynyń ókilderi qatysady. Forým qorytyndysy boiynsha aimaqaralyq jáne kommertsiialyq sipattaǵy 40-tan astam kelisimge qol qoiý josparlanýda.
