Búgin QR Premer-Ministriniń birinshi orynbasary Asqar Mamin jumys saparymen Mańǵystaý oblysyna baryp, Quryq portyndaǵy parom kesheniniń qurylys barysyn tekserdi, dep habarlaidy "Ult aqparat" QR Premer-Ministriniń resmi saityna silteme jasap.
«Nurly jol» baǵdarlamasynyń jobasyn «Qazaqstan temir joly» UK» AQ júzege asyrady.
QR birinshi vitse-premerine Quryq portynyń alǵashqy iske qosý kesheni nysandarynyń qorytyndylaýshy kezeńi týraly málimet berildi.
Ersai stansasynan bastap Quryq portyna deiin uzyndyǵy 12 shaqyrymnan astam kirme temirjol ýchaskesinde relsshpaldy sharbaqtar tolyq tóseldi. Joldy qiyrshyq tastarmen ballasttaý jumystary aiaqtaldy. 4,3 mln m3 kólemde jer oiyp alyndy. Sondai-aq, 400 myń tonna kólemde být tasynan batys qorǵaý molyn salý jumystary atqaryldy. 525 myń m3 topyraq kóleminde porttyń kireberis kanaly men akvatoriianyń túbin tereńdetý jumystary aiaqtaldy.
10 kVt syrtqy elektrmen jabdyqtaý jelileri salyndy. Kótermeli-ótpeli kópir salý jumystary júrgizilip jatyr. Quryq portynyń alǵashqy iske qosý kesheni nysandary aǵymdaǵy jyldyń sońyna deiin paidalanýǵa beriledi.
«Quryq portyndaǵy parom kesheni Transkaspii halyqaralyq kólik baǵdarynyń kólik-logistikalyq júiesiniń mańyzdy bólimi bolyp tabylady. Ol Qazaqstannyń tranzittik-kólik áleýetin damytýǵa qýatty serpin beredi jáne «Jańa Jibek joly» jobasyn júzege asyrýǵa septigin tigizedi», - dedi A. Mamin.
Quryq portyndaǵy parom kesheni táýligine bes paromǵa qyzmet kórsetedi, osylaisha jylyna 4 mln tonna kólemde júkterdi óńdeýdi qamtamasyz etedi.
.jpeg)