QR Premer-Ministriniń birinshi orynbasary qyzmetine Asqar Mamin keldi, dep habarlaidy "Ult aqparat".
"Asqar Uzaqbaiuly Mamin Qazaqstan Respýblikasy Premer-Ministriniń birinshi orynbasary bolyp taǵaiyndalsyn" dep kórsetilgen Elbasy jarlyǵynda.
Asqar Uzaqbaiuly Mamin – 1965 jyly 23 qazanda týǵan.
Tselinograd injenerlik-qurylys institýtyn, G.V.Plehanov atyndaǵy Resei ekonomikalyq akademiiasyn támamdaǵan, mamandyǵy boiynsha injener-qurylysshy, ekonomist.
Eńbek jolyn «Tselintiajstroi»tresinde montajshy bolyp bastaǵan. Qazaqstan innovatsiialyq kásiporyndar odaǵy direktorynyń orynbasary laýazymynda qyzmet atqarǵan.
1996 - 2008 jyldary – Astana qalasy ákiminiń birinshi orynbasary, Qazaqstan Respýblikasynyń Kólik jáne kommýnikatsiialar vitse-ministri, Qazaqstan Respýblikasynyń Indýstriia jáne saýda Birinshi vitse-ministri, Qazaqstan Respýblikasynyń Kólik jáne kommýnikatsiialar ministri,Astana qalasynyń ákimi.
2008 jylǵy sáýir aiynan bastap «Qazaqstan temir joly» ulttyq kompaniiasy» aktsionerlik qoǵamynyń prezidenti, 2008 jylǵy 17 sáýirde «Qazaqstan temir joly» ulttyq kompaniiasy» aktsionerlik qoǵamynyń Direktorlar keńesiniń múshesi bolyp sailandy.
1998 jyly – «Eren eńbegi úshin» medalimen, 2006 jyly – «Qurmet» ordenimen, 2011 jyly – ekinshi dárejeli «Barys» ordenimen, 2013 jyly – Frantsýz Respýblikasynyń Qurmetti legiony ordenimen, 2014 jyly – Ispaniia koroldiginiń «Azamattyq eńbegi úshin» birinshi dárejeli ordenimen marapattalǵan. 2011 jyly – Astana qalasynyń Qurmetti azamaty, 2012 jyly – Qurmetti temirjolshy, 2013 jyly – Qazaqstannyń Qurmetti qurylysshysy.
Ult portaly
